பொட்டுக்கடலை பூரணக் கொழுக்கட்டை (Pottukadalai poorana kolukattai recipe in tamil)

மிக்ஸியில் முதலில் தேங்காய் துருவலை சேர்க்கவும் பிறகு ஊறவைத்த இட்லி அரிசியுடன் உப்பு,தண்ணீர் சேர்த்து நன்றாக அரைத்துக் கொள்ளவும் பிறகு ஒரு வாணலியில் சிறிது எண்ணெய் விட்டு அரைத்து வைத்த மாவில் ஊற்றிக் கைவிடாமல் கிளறவும்... மாவு சுருண்டு வரும் பொழுது அடுப்பை அணைத்து மாவை எடுத்துக் கொள்ளவும்

மாவு சூடாக இருக்கும்போதே மாவில் சிறிது எண்ணெய் விட்டு நன்றாக பிசைந்து கொள்ளவும் மாவு மிருதுவாகும் வரை பிசையவும்

மிக்ஸி ஜாரில் பொட்டுக்கடலை தேங்காய் சேர்த்து கரகரவென அரைத்துக்கொள்ளவும் பிறகு ஒரு பாத்திரத்தில் மாற்றி அதில் ஏலக்காய்த்தூள் சேர்க்கவும்

வெல்லம் சேர்த்து நன்றாக பிசைந்து கொள்ளவும் பிறகுகொழுக்கட்டை அச்சில் எண்ணெய் தடவி மாவை அழுத்தி அதனுள் இந்த பொட்டுக்கடலை வெல்லம் சேர்த்த கலவையை இதனுள் வைத்து மேலே மறுபடியும் மாவை வைத்து மூடவும்

மற்றொரு முறையாக கையில் சிறிது மாவை எடுத்து தட்டையாக தட்டி அதனுள் இந்த கலவையை வைத்து மூடவும் பிறகு இதனை இட்லி பானையில் மிதமான தீயில் 15 நிமிடம் வேக வைத்து எடுக்கவும்

இதேபோல் அனைத்தையும் வேகவைத்து எடுக்கவும்... அரிசி மாவை அரைத்து செய்வதினால் இது வெகுநேரம் மிருதுவாக இருக்கும் நீங்களும் ஒருமுறை முயற்சித்துப் பாருங்கள்