அரிசி, உளுந்து இவற்றை மேலே கொடுத்துள்ள சரியான அளவில் எடுத்து மூன்று முறை நன்கு களைந்து கழுவி உளுந்துடன் வெந்தயத்தை சேர்த்து தண்ணீர் ஊற்றி 2 முதல் 3 மணி நேரம் ஊற வைக்கவும்

ஊறிய பிறகு முதலில் உளுந்தை கிரைண்டரில் சேர்த்து ஊற வைத்த தண்ணீரையே சிறிது சிறிதாக ஐந்து நிமிடத்திற்கு ஒரு முறை தெளித்து 25 நிமிடம் வரை அரைத்து நன்கு பொங்கி எழும்பியதும் ஒரு பாத்திரத்தில் வழித்து எடுக்கவும்

அடுத்து அரிசியை சேர்த்து கொஞ்சம் கொஞ்சமாக தண்ணீர் விட்டு நன்கு நைசாக கொஞ்சம் கெட்டியாக அரைத்து எடுக்கவும். பிறகு இரண்டையும் ஒன்றாக சேர்த்து தேவையான அளவு கல்லுப்பு சேர்த்து நன்கு கரைத்து எடுக்கவும்

இதனை பாத்திரங்களில் முக்கால் அளவு ஊற்றி 8 மணி நேரம் புளிக்க வைக்கவும்

இட்லி பாத்திரத்தில் தண்ணீர் ஊற்றி இட்லித் தட்டில் சிறிதளவு எண்ணெய் தடவி மாவை கலக்காமல் மெதுவாக மேலாக எடுத்து ஊற்றவும்

மூடி 7 முதல் 10 நிமிடங்கள் வேக வைத்து இட்லி வெந்து விட்டதா என்று ஒரு கத்தியை அல்லது டூத் குச்சியை குத்திப் பார்த்து ஒட்டாமல் வந்தால் வெந்து விட்டது என்று அர்த்தம். பிறகு எடுக்கவும்

இட்லி வெந்ததும் சிறிது ஆறவிட்டு எடுத்து பரிமாறவும்