ஒரு வாணலியில் அரிசி மாவை கொட்டி அடுப்பை சிம்'மில் வைத்து சூடாகும் வரை வறுக்கவும். ஒரு டம்ளர் மாவிற்கு இரண்டு டம்ளர் தண்ணீர் ஊற்றி கிளறி கொண்டே இருக்கவும். மாவு வெந்து வரும்போது உருட்டி எண்ணெய் தடவி மூடி வைக்கவும். நன்கு பிசைந்து எண்ணை தடவி மூடிவைக்கவும்

ஒரு வாணலில் எள்ளு சேர்த்து வறுக்கவும் அடுத்தது தேங்காய் துருவியது சேர்த்து வறுக்கவும் 6 முந்திரி வறுத்த வேர்க்கடலை சேர்த்து வறுத்து ஏலக்காய் பொடி ஒரு ஸ்பூன் சேர்த்து மிக்ஸியில் போட்டு அரைக்கவும்.இனிப்புக்கு தேவையான வெல்லம் செதுக்கி சேர்த்து அரைக்கவும். பிசைந்த மாவை கையில் உருட்டி சொப்பு போல் செய்து பூரணத்தை உள்ளே வைத்து மூடி மோதகம் போல் செய்யவும்இட்லி பானையில் இரண்டு இன்ச் அளவிற்கு தண்ணீர் ஊற்றி கொதித்ததும் சிம்மில் வைத்து தட்டில் செய்த மோத கங்களை உள்ளே வைத்து 8 நிமிடம் வேக விடவும்.

சுவையான எள்ளு வேர்க்கடலை முந்திரி தேங்காய் வெல்லம் சேர்த்த மோதகம் தயார். நீங்களும் செய்து பாருங்கள். இன்று விநாயகர் சதுர்த்திக்கு இந்த முறையில் எங்கள் வீட்டில் மோதகம் செய்தோம்.மிகவும் சுவையாக இருந்தது