பெரிய கத்தரிக்காய் ஓன்றை எடுத்து கழுவி, துண்டுகளாக நறுக்கி தண்ணீரில் போட்டு வைக்கவும்.

கடாயை ஸ்டவ்வில் வைத்து எண்ணை ஊற்றி சூடானதும், பட்டை, கிராம்பு சேர்த்து, பொரிந்ததும், வெங்காயம், பச்சை மிளகாய், கறிவேப்பிலை சேர்த்து பொன்னிறமாக வதக்கவும். பின் இஞ்சி பூண்டு விழுது சேர்க்கவும். நறுக்கிய தக்காளி சேர்த்து வதக்கவும்.

பின்னர் நறுக்கி தண்ணீரில் போட்டு வைத்துள்ள கத்தரிக்காய் துண்டுகளை சேர்த்து இரண்டு நிமிடங்கள் வதக்கி, பின் தயிர் சேர்த்து நன்கு வதக்கி ஐந்து நிமிடங்கள் மிதமான சூட்டில் மூடி வைக்கவும்.

இந்த கிரேவி மிகவும் சுவையாக இருந்தது. இது சாதத்துடன் கலந்து சாப்பிட,தயிர் சாதம், சப்பாத்தி, ரொட்டியுடன் சேர்த்து சாப்பிட மிகவும் பொருத்தமாக இருக்கும். சுவையான இந்த தயிர் கத்தரிக்காய் கிரேவியை அனைவரும் செய்து சுவைக்கவும்.