ஒன் பாட் வரகு ரசம் சாதம் (One pot rasam sadam recipe in tamil)

குக்கரில் நெய் மற்றும் எண்ணெய் சேர்த்து சூடானதும் கடுகு, காய்ந்த மிளகாய், கருவேப்பிலை சேர்த்து தாளிக்கவும். பின்னர் பொடியாக நறுக்கிய தக்காளி சேர்த்து வதக்கவும்.

பின்னர் அதனுடன் இடித்த பூண்டு, மிளகு, சீரகம் சேர்த்து 1நிமிடம் வதக்கவும். பின்னர் பெருங்காயத்தூள், மஞ்சள் தூள், ரசப்பொடி அல்லது சாம்பார் தூள் சேர்க்கவும். பின்னர் சுத்தம் செய்த வரகு அரிசி அல்லது சாப்பாட்டு அரிசி மற்றும் துவரம் பருப்பு, பாசிப் பருப்பு சேர்க்கவும். அதனுடன் கரைத்து வைத்துள்ள புளிக்கரைசலை சேர்க்கவும்.

பின்னர் ஒரு கப் அரிசிக்கு 3கப் தண்ணீர் வீதம் பருப்புக்கும் சேர்த்து 5டம்ளர் தண்ணீர் தேவையான உப்பு சேர்க்கவும். பின்னர் பொடியாக நறுக்கிய கொத்தமல்லி ஒரு கைப்பிடி சேர்த்து கிளறி குக்கரில் 4விசில் வரும் வரை வைத்து இறக்கி சூடாக பரிமாறவும். அப்பளம் ஊறுகாய் உடன் சுவையான மற்றும் ஆரோக்கியமான ஒன் பாட் ரசம் சாதம் தயார்.