குடைமிளகாய் சிக்கன் கிரேவி (Kudaimilakaai gravy recipe in tamil)

வெறும் வாணலியில் முதலில் கடலைப்பருப்பு வெள்ளை எள்ளு முந்திரிப்பருப்பு தேங்காய்த்துருவல் சேர்த்து பொன்னிறமாக வறுக்கவும்... பிறகு அதனை எடுத்து தனியாக வைக்கவும்

அதே கடாயில் எண்ணெய் விட்டு எண்ணெய் சூடானதும் நறுக்கிய வெங்காயம், பூண்டு சேர்த்து நன்றாக வறுக்கவும் பிறகு தக்காளி இஞ்சி சேர்த்து தக்காளி மசியும் வரை நன்றாக வதக்கவும்...இதில் மிளகாய்த்தூள், தனியாத்தூள், கரம் மசாலா, மஞ்சள் தூள் சேர்த்து பச்சை வாசனை போக வதக்கவும்

பிறகு வறுத்து வைத்துள்ள தேங்காய் கலவையை சேர்த்து அனைத்தையும் ஒன்றோடு ஒன்று நன்றாக கலந்து ஆற வைக்கவும் நன்றாக ஆறிய பிறகு மிக்ஸியில் சிறிது நீர் விட்டு மையாக அரைத்துக் கொள்ளவும்

கடாயில் எண்ணெய் விட்டு எண்ணெய் சூடானதும் பட்டை, லவங்கம், சோம்பு சேர்க்கவும் பிறகு சிக்கனை சேர்த்து மிதமான தீயில் 5 நிமிடம் வதக்கவும் பிறகு இதில் நறுக்கிய குடைமிளகாய் சேர்த்து இரண்டையும் 5 நிமிடம் மிதமான தீயில் வதக்கவும்

பிறகு அரைத்து வைத்துள்ள மசாலாவை சேர்த்து எண்ணெய் பிரியும் வரை நன்றாக வதக்கவும்... உப்பு சேர்த்து ஒருமுறை நன்றாக கிளறவும்

இதில் 1-1/2 கப் அளவு தண்ணீர் சேர்த்து ஒரு கொதி வந்த பிறகு குறைந்த தீயில் 15 நிமிடம் வைக்கவும்... இறுதியாக கொத்தமல்லி, கஸ்தூரி மேத்தி தூவிப் பரிமாறவும்

அசத்தலான குடைமிளகாய் சிக்கன் கிரேவி தயார்