பிரௌனி/கேக் - கோதுமை மாவு நாட்டுசர்க்கரை பிரௌனி (Kothumai maavu brownie recipe in tamil)

கலக்கும் பாத்திரத்தில் முட்டைகளை உடைத்து ஊற்றி, வெண்ணிலா சாரம், நாட்டுசர்க்கரை சேர்த்து நன்கு நுரைக்க அடித்துக் கொள்ளவும்.

வேறு ஒரு பாத்திரத்தில், கோதுமை மாவு, உப்பு, கொக்கோ பவுடர், பேக்கிங் பவுடர் ஒன்றாக சேர்ந்து சலித்து எடுத்துக் கொள்ளவும்.

ஒரு கிண்ணத்தில் உருகிய வெண்ணெய், சாக்லேட் துண்டுகள் சேர்த்து, கொதிக்கும் தண்ணீர் பாத்திரத்தின் மேல் கிண்ணத்தை வை‌த்து, வெண்ணெய் சாக்லேட் உருகி சாஸ் பதத்தில் வரும் வரை கலக்கி அடுப்பில் இருந்து இறக்கவும்.

சாக்லேட் வெண்ணெய் கலவையை, முட்டை நாட்டு சர்க்கரையுடன் சேர்த்து அடித்துக் கொள்ளவும்.

அடுத்து சலித்த மாவு கலவையை சேர்த்து தட்டையான கரண்டியால் நன்கு கலக்கவும். பிரௌனி கலவை தயார். பாதாம், முந்திரி, சாக்லேட் துண்டுகள் சேர்த்து கலக்கவும்.

சதுர வடிவ 9*9 அங்குல தட்டு இரண்டிலும் வெண்ணெய் தடவி, கோதுமை மாவு தூவி எடுத்து கொள்ளவும். (பிரௌனி வெந்ததும் ஒட்டாமல் வரும்)

பிரௌனி கலவையை தட்டுகளில் அரை உயரம் அளவில் ஊற்றவும்.

குக்கர் செய்முறை : குக்கர் பானில், கல் உப்பு/ மணல் பரப்பி, தட்டு அல்லது ரவுண்ட் ஸ்டாண்ட் வைத்து, 10 நிமிடம் மூடி (விசில் வேண்டாம்) அடுப்பில் (அதிக தீயில்) வைக்கவும். பின்னர் பிரௌனி கலவையை தட்டு அல்லது ரவுண்ட் ஸ்டாண்டின் மேல் வைத்து, 30 நிமிடம் மூடி (விசில் வேண்டாம்) மிதமான சூட்டில் வைக்கவும்.

30 நிமிடங்கள் பிரௌனி தயார். நன்கு ஆரிய பின்னர் பிரௌனியை தட்டுக்கு 3*3 துண்டுகளாக வெட்டி எடுத்து கொள்ளவும்.