கார கொழுக்கட்டை

முதலில் இட்லி அரிசியை நான்கு மணி நேரம் தண்ணீரில் உற வைக்கவும்

நான்கு மணி நேரத்திற்கு பின் அரிசியில் இருந்து தண்ணீரை வடித்து,அரிசியை மிக்ஸி ஜாரில் மாற்றவும் அரிசியுடன் நான்கு காய்ந்த மிளகாய், சிறிது சீரகம், சிறிதளவு கருவேப்பிலை, தேவைக்கேற்ப உப்பு சேர்த்து தண்ணீர் விட்டு அரைக்கவும்

மிகவும் நைஸான பதம் இல்லாமல் கொரகொரப்பாக அரைத்து கொள்ளவும்

அடுப்பில் தேங்காய் எண்ணெய் விட்டு கடுகு மற்றும் ஒரு தேக்கரண்டி கடலைப்பருப்பு சேர்க்கவும் அவை பொரிந்ததும் பின்பு வெட்டி வைத்த சிறிய வெங்காயம், சிறிது கருவேப்பிலை,மற்றும் தேங்காய் துருவல் அரை கப் சேர்த்து வதக்கவும்

வெங்காயம் மற்றும் தேங்காய் துருவல் வதங்கியதும் அரைத்து வைத்த மாவை அதனுடன் சேர்த்து 4 நிமிடம் வதக்கவும்

மாவு உருண்டை பிடிக்கும் பதத்திற்கு வந்ததும் அடுப்பை அணைத்து விட்டு ஆற வைக்கவும்

அடுப்பில் இட்லி பாத்திரம் வைத்து அதில் ஆறிய மாவினை கொழுக்கட்டை போல் பிடித்து 15 நிமிடம் மூடி வேக வைக்கவும்