அரைக் கப் கோதுமை மாவு, அரை கப் ராகி மாவு எடுத்துக் கொள்ளவும். இரண்டையும் அரை ஸ்பூன் உப்பு சேர்த்து நன்கு கலந்து கொள்ளவும். பிறகு அதில் ஒரு ஸ்பூன் எண்ணெய் சேர்த்து மீண்டும் ஒருமுறை கலந்து கொள்ளவும். பூரிக்கு மாவு பிசைவதுபோல் தேவையான தண்ணீர் சேர்த்து மாவை பிசைந்து கொள்ளவும். ஐந்து நிமிடம் ஊறவிடவும்

சிறு சிறு உருண்டைகளாக உருட்டிக் கொள்ளவும். பூறிகளாக தேய்த்துக் கொள்ளவும். அடுப்பில் பொரிப்பதற்கு தேவையான எண்ணெய் வைத்து நன்கு காய வைக்கவும். எண்ணெய் காய்ந்தபின் ஒவ்வொரு பூரிகளாக எண்ணெயில் சுட்டு எடுக்கவும். இதற்கு தொட்டுக் கொள்ள உருளை கிழங்கு மசால், தேங்காய் சட்னி நன்றாக இருக்கும்.