புளித்த இட்லி மாவு 3 கப் எடுத்துக் கொள்ளவும். பெரிய வெங்காயம், பச்சைமிளகாய்,கருவேப்பிலை, கொத்தமல்லி பொடியாக அரிந்து வைத்துக்கொள்ளவும். தேவை என்றால் கேரட் பீன்ஸை பொடியாக அரிந்து சேர்த்து கொள்ளலாம்.ஒரு வாணலியில் ஒரு ஸ்பூன் எண்ணெய் சேர்த்து சூடான பிறகு அதில் கடுகு, உளுத்தம் பருப்பு, கடலைப் பருப்பு, வெங்காயம், பச்சை மிளகாய், கறிவேப்பிலை சேர்த்து நன்கு வதக்கிக் கொள்ளவும். அவற்றை பச்சை கொத்தமல்லி சேர்த்து மாவில் கலந்து கொள்ளவும். கால் ஸ்பூன் அளவு உப்பு சேர்த்து கலந்து கொள்ளவும்.

பணியாரக் கல்லை அடுப்பில் வைத்து சூடு படுத்தவும். பிறகு குழிகளில் எண்ணெய் ஊற்றி எண்ணெய் சூடு ஏறியவுடன் கலந்த பணியாரம் மாவை ஊற்றி மூடி வைத்து மிதமான தீயில் வேக விடவும். ஒருபுறம் சிவக்க வெந்தவுடன் மூடியை எடுத்து விட்டு மறுபுறம் வேகவிடவும். லேசாக எண்ணெய் சேர்த்துக் கொள்ளவும்.