மேற்கூறிய தேவையான பொருட்களை எடுத்து வைத்துக் கொள்ளுங்கள். பச்சை மிளகாய் மற்றும் இஞ்சியை பொடியாக அரிந்து கொள்ளவும். கறிவேப்பிலை, கொத்தமல்லி பொடியாக அரிந்து கொள்ளவும். முந்திரிப் பருப்பு தேவையான அளவு உடைத்து வைத்துக்கொள்ளவும். ஒரு டம்ளர் ஓரளவுக்கு புளித்த தயிர் எடுத்துக் கொள்ளவும்.

ஒரு வாணலியில் ஒரு ஸ்பூன் எண்ணெய் சேர்த்து சூடான பிறகு அதில் கடுகு, உளுத்தம் பருப்பு, கடலைப் பருப்பு, பச்சை மிளகாய், இஞ்சித் துண்டுகள் மற்றும் கறிவேப்பிலை சேர்த்து சிவக்க வதக்கவும். பிறகு அதில் இட்லி ரவையை சேர்த்து நன்கு சூடு ஏற வறுத்துக் கொள்ளவும். வாசம் நன்கு வரும் அது வரை வறுத்துக் கொள்ளவும். பிறகு வேறு ஒரு தட்டிற்கு மாற்றி ஆற வைத்துக் கொள்ளவும். அவை ஆறிய உடன் அதில் தேவையான உப்பு சேர்த்து தயிர் சேர்த்து நன்கு கலந்து கொள்ளவும். தேவை என்றால் தண்ணீர் கொஞ்சம் சேர்க்கவும்.

ரவா இட்லி ஊற்றும் பதத்திற்கு மாவை ரெடி செய்து கொள்ளவும். அரை மணி நேரம் வரை ஊற வைக்கவும். (ஊற ஊற கெட்டியாகி விடும்.அதனால் தண்ணீர் பார்த்து சேர்த்து கரைத்து கொள்ளவும்.) பிறகு இட்லி தட்டில் எண்ணெய் தடவி மாவை ஊற்றி இட்லி பானையில் வைத்து மூடி வைத்து வேக விடவும். 15 to 20 நிமிடம் வரை வேக விடவும்.

இட்லி வெந்து விட்டதா என்று பார்த்து விட்டு சிறிது ஆறவிட்டு கரண்டி கொண்டு இட்லியை மெதுவாக எடுக்கவும். இதற்கு புளி சட்னி, கொத்தமல்லி சட்னி, தேங்காய் சட்னி, சாம்பார் போன்றவை தொட்டுக் கொள்ள சுவையாக இருக்கும். குழந்தைகளுக்கு லஞ்ச் பாக்ஸ் கொடுக்க ஏற்ற டிபன்.