காலிஃபிளவரை நன்றாக உதிர்த்து அதை மூழ்கும் அளவு தண்ணீரில் அடுப்பில் வைத்து மஞ்சள் தூளையும் சிறிது கல் உப்பையும் சேர்த்து பத்து நிமிடம் கொதிக்கவிடவும். பின்னர் அடுப்பை அணைத்து விட்டு சற்று ஆறிய பிறகு தண்ணீரில் ஒரு முறை அலசி ஒரு பாத்திரத்தில் எடுத்துக் கொள்ளவும்.

இதில் ரெடிமேட் பஜ்ஜி போண்டா மிக்ஸ் மாவு அரிசி மாவு சோம்பு இஞ்சி பூண்டு அரவை ஆகியவற்றை ஒன்றன் பின் ஒன்றாக சேர்த்து நன்றாக மிக்ஸ் செய்து கொள்ளவும். குறைந்தபட்சம் இருபது நிமிடமாவது இந்த கலவை ஊறவேண்டும்.

பின்னர் அடுப்பில் வாணலியில் தேவையான அளவு எண்ணெய் ஊற்றி மிக்ஸ் செய்து வைத்த காலிபிளவரை நன்றாக உதிர்த்து போட்டு எண்ணெயில் வேகவிட்டு சிவக்க வெந்தவுடன் எடுக்கவும்.

நறுக்கிய பச்சை வெங்காயத்துடன் சேர்த்து அலங்கரித்துப் பரிமாறவும்.