இரண்டு டம்ளர் இட்லி அரிசி மற்றும் ஒரு டம்ளர் துவரம்பருப்பை கழுவி 3 மணி நேரம் ஊற வைத்துக் கொள்ளவும்.பிறகு 10 வரமிளகாய் அதனுடன் சேர்த்து ஒரு மூடி தேங்காய்த் துருவல் (கொஞ்சம் எடுத்து வைத்துவிட்டு) சேர்த்துக் கொள்ளவும். உப்பு, சீரகம் அல்லது சோம்பு ஒரு ஸ்பூன் சேர்த்துக் கொள்ளவும்.இவை எல்லாவற்றையும் கரகரப்பாக மிக்ஸியில் அரைத்துக் கொள்ளவும்.

இட்லி அண்டாவில் தேவையான அளவு தண்ணீர் சேர்த்து அதில் ஒரு கப்பை வைத்து அந்த கப் ஆடாமல் இருக்க அதில் கொஞ்சம் தண்ணீர் சேர்த்து வைக்கவும். ஒரு தட்டில் எல்லா புறமும் எண்ணெயை நன்கு தடவி அடைமாவை சேர்த்து பரவலாக தட்டி விடவும்.பிறகு இட்லி அண்டாவில் உள்ள கப்பின் மேல் இந்த தட்டை வைத்து மூடி இருபதிலிருந்து இருபத்தைந்து நிமிடம் வரை வேக விடவும்.

அடை வெந்தவுடன் தட்டை வெளியில் எடுத்து கத்தி கொண்டு துண்டுகளாக போட்டு கொள்ளவும். ஆறிய பிறகு துண்டுகளை தனித்தனியாக பிரித்துக் கொள்ளவும்.

ஒரு வாணலியில் ஒரு டேபிள்ஸ்பூன் எண்ணெய் சேர்த்து காய்ந்தவுடன் அதில் கடுகு, உளுத்தம் பருப்பு,கடலை பருப்பு, பெருங்காயத்தூள், பொடியாக அரிந்த பச்சை மிளகாய், கிள்ளிய வரமிளகாய், மற்றும் பெரிய வெங்காயம், கறிவேப்பிலை சேர்த்து தாளித்துக் கொள்ளவும். வெங்காயம் நன்கு வதங்கிய பிறகு அதில் அடைத் துண்டுகளை சேர்த்து நன்கு பிரட்டி விடவும். தேங்காய் துருவல் கொத்தமல்லி தலை சேர்த்து நன்கு சூடு ஏறும் வரை கிளறி விட்டு இறக்கவும்.

சுவையான அதை டோக்ளா குழந்தைகளின் லஞ்ச் பாக்சில் ரெடி. தொட்டுக்கொள்ள தக்காளி சாஸ் அல்லது சர்க்கரை நன்றாக இருக்கும். சர்க்கரை விரும்பி சாப்பிடும் குழந்தைகள் என்றால் மேலே தூவி விட்டு தரவும்.