உருளைக் கிழங்கை வேக வைத்து தோல் உரித்து, பெரிய துண்டுகளாக நறுக்கி வைக்கவும்.

வாணலியை ஸ்டவ்வில் வைத்து சூடானதும் எண்ணெய் ஊற்றி காய்ந்ததும் முதலில் தனியா, சீரகம்,சோம்பு,பட்டை,கசகசா,கிராம்பு, வற்றல்,நறுக்கிய சாம்பார் வெங்காயம்,பெரிய வெங்காயம், கறிவேப்பிலை, மஞ்சள் தூள் எல்லாம் சேர்த்து வறுத்து எடுக்கவும்.

பின்னர் அதே வாணலியில் மசாலா பொருட்களை சேர்த்து நன்கு வதக்கவும்.

வறுத்த மசாலா சூடு ஆறியதும் மிக்ஸியில் போட்டு,தேங்காய் துண்டுகள் சேர்த்துவிட்டு சுற்று விட்டு,கொஞ்சமாக புளி,தண்ணீர் சேர்த்து அரைத்து எடுத்து தயாராக வைக்கவும்.

ஸ்டவ்வில் வாணலியை வைத்து எண்ணெய் ஊற்றி காய்ந்ததும் கடுகு, கறிவேப்பிலை வற்றல், நறுக்கிய வெங்காயம், தக்காளி சேர்த்து நன்கு வதக்கவும்.

பின்னர் அரைத்து வைத்துள்ள மசாலா விழுதை சேர்த்து நன்கு கலந்து ஐந்து நிமிடங்கள் வதக்கவும். பின்னர் தேவையான அளவு உப்பு, தேவையான அளவு தண்ணீர் சேர்த்து கலந்து விடவும்.

பின்னர் நறுக்கி வைத்துள்ள உருளைக்கிழங்கை சேர்த்து,தேவையான அளவு உப்பு சேர்த்து கலந்து ஐந்து நிமிடங்கள் கொதிக்க வைத்து இறக்கினால் உருளைக் கிழங்கு அசைவக்குழம்பு தயார்.

இதே முறையில் நாண் வெஜ் வைத்து குழம்பு செய்யலாம். இந்த உருளைக்கிழங்கு அசைவக்குழம்பு சாதம்,இட்லி, தோசை போன்ற எல்லா உணவுடனும் சேர்த்து சுவைத்திட மிக மிக சுவையாகவும், நல்ல மணத்துடனும் இருக்கும்.