1 ஆழாக்கு பாஸ்மதி அரிசியை கழுவி 2 கப் தண்ணீர் ஊற்றி வைக்கவும். 2 பெரிய வெங்காயம், 1 பெரிய தக்காளியை நறுக்கி வைக்கவும். ஒரு தட்டில் 2 பிரிஞ்சி இலை, 2 ஏலக்காய், 1 துண்டு பட்டை, 2 கிராம்பு, 2 அன்னாசி மொக்கு, 2 மல்லிமொக்கு, 1 டீஸ்பூன் சோம்பு எடுத்து வைக்கவும்.

2 பச்சை மிளகாய், 6 பல் பூண்டு, 1 துண்டு இஞ்சி மிக்ஸி ஜாரில் சேர்த்து அரைத்து விழுதாக எடுத்து வைக்கவும்.குக்கரில் 2 டேபிள்ஸ்பூன் நெய், 2 டேபிள் ஸ்பூன் ஆயில் விட்டு எடுத்து வைத்த பட்டை, கிராம்பு,ஏலக்காய் பிரிஞ்சி இலை, அன்னாசி மொக்கு, மல்லி மொக்கு, சோம்பு ஆகியவற்றை தாளித்து, இஞ்சி பூண்டு பச்சை மிளகாய் விழுதையும் சேர்த்து வதக்கி விடவும்.

நறுக்கிய பெரிய வெங்காயத்தை சேர்த்து நன்கு வதக்கவும். வெங்காயம் வதங்கிய பிறகு தக்காளியை சேர்த்து வதக்கி, 1/2 டீஸ்பூன் மஞ்சள்தூள், 1 டீஸ்பூன் மிளகாய்த்தூள்,1 டீஸ்பூன் கரம்மசாலா சேர்த்து வதக்கி விடவும்.

1/4 கப் தயிர் சேர்க்கவும். நன்கு மசாலாவுடன் கலந்த பிறகு ஊறவைத்த பாஸ்மதி அரிசியை சேர்க்கவும். நன்கு பிரட்டி விடவும்.

2 1/4 கப் தண்ணீர் விட்டு உப்பு சேர்த்து கலக்கிவிட்டு நறுக்கிய கொத்தமல்லி தழையைத் தூவி குக்கரில் 3 விசில் வேகவிடவும். சுவையான அருமையான குஸ்கா ரெடி😋😋

குஸ்காவிற்கு வெஜ் சால்னாவை தொட்டு சாப்பிட்டால் அருமையாக இருக்கும்.😍😍