ஆரஞ்சு சீஸ் கேக் (Orange cheese cake recipe in tamil)

கீழே வைக்கும் லேயர்க்கு பிஸ்கட்டை தூளாக்கி உருகிய வெண்ணெய் சேர்த்து படத்தில் காட்டியவாறு நன்றாக கலந்து கேக் டின்னில் வைத்து சரி சமப்படுத்தவும் பிறகு இதனை ப்ரீசரில் 15 நிமிடம் வைக்கவும்

ஜெலட்டினில் சிறிது தண்ணீர் விட்டு 10 நிமிடம் ஊற வைக்கவும்

சீஸ் லேயர் செய்ய, மிக்ஸியில் துருவிய பன்னீர், பிரஷ் கிரீம், கண்டென்ஸ்டு மில்க் சேர்த்து நன்றாக அடித்துக் கொள்ளவும்

அடித்து வைத்த கலவையை ஒரு பாத்திரத்தில் மாற்றி, ஆரஞ்சு பழச்சாறு மற்றும் ஆரஞ்சின் உள் சதையை மட்டும் இதில் சேர்க்கவும்

சூடான தண்ணீரில் ஊற வைத்த ஜெலட்டின் கப்பை அதன் மேல் வைத்து நன்றாக கலக்கவும் ஒழுகி வந்த பிறகு இதனை சீஸ் கலவையில் சேர்க்கவும்

இப்போது அனைத்தையும் நன்றாக கலந்த பிறகு இதனை பிஸ்கட்டின் மேல் ஊற்றி ஃப்ரீஸரில் குறைந்தது இரண்டு மணி நேரம் வைக்கவும்

ஆரஞ்சு ஜெல்லி செய்ய ஒரு பாத்திரத்தில் ஆரஞ்ச் பழச்சாறு தண்ணீர் சர்க்கரை சேர்த்து சர்க்கரை கரையும் வரை நன்றாக கலக்கவும்

ஜெலட்டின் உடன் சிறிது தண்ணீர் சேர்த்து 10 நிமிடம் ஊறவைக்கவும்... ஆரஞ்சு பழச்சாறு அடுப்பில் வைத்து ஒரு கொதி வந்த பிறகு ஊறவைத்த ஜெலட்டினை சேர்த்து கரையும் வரை மிதமான தீயில் கலக்கவும் பிறகு இதனை வடிகட்டி எடுத்துக் கொள்ளவும்

ஃப்ரீஸரில் இருந்து எடுத்த சீஸ் கலவையின் மேல் ஆரஞ்சு பழத்தை அடுக்கி மிதமான சூட்டில் இருக்கும் போது ஆரஞ்சு ஜெல்லி கலவையை இதன் மேல் ஊற்றவும்... மீண்டும் இதனை ஃப்ரீசரில் இரண்டு மணி நேரம் வைக்கவும்

சூப்பரான சுவையான ஆரஞ்சு சீஸ் கேக் தயார் நீங்களும் இதனை முயற்சித்துப் பாருங்கள்

குறிப்பு: ஒவ்வொரு லேயர் செய்யும் பொழுதும் கையில் தொட்டுப் பார்க்கும் பொழுது ஒட்டக்கூடாது... ஆரஞ்சு ஜெல்லி லேயர் செய்ய வேண்டிய கட்டாயம் இல்லை அதிக சுவை வேண்டும் என்பதனால் செய்தேன்... பிஸ்கட் லேயர்க்கு 15 நிமிடம் ஃப்ரீஸரில் இருந்தால் போதும் சீஸ் லேயர் மற்றும் ஜெல்லி லேயர்க்கு குறைந்தது 2 மணி நேரம் வைக்க வேண்டும்