பெரிய வெங்காயம்,தக்காளி பொடி பொடியாக நறுக்கி வைக்கவும்.ஒரு கடாயில் சிறிதளவு எண்ணெய் ஊற்றி பட்டை,கிராம்பு,ஏலக்காய்,சீரகம் சேர்த்து வதக்கவும்.பின்பு, நறுக்கி வைத்த வெங்காயம் சேர்த்து நன்றாக வதக்கவும்.

வெங்காயம் நன்றாக வதங்கிய பின்பு,இஞ்சி,பூண்டு விழுது சேர்த்து பச்சை வாசணை போகும் வரை வதக்கவும்.நறுக்கி வைத்த தக்காளியை சேர்த்து வதக்கவும்.

மஞ்சள் தூள்,காஷ்மீர் மிளகாய் தூள்,தனி மிளகாய் தூள் காரத்திற்கு ஏற்ப சேர்க்கவும்.

அதனுடன்,மல்லித்தூள் சேர்த்து 1 நிமிடம் வதக்கவும்.பின்பு, நறுக்கி வைத்த காளானை மசாலாவுடன் சேர்க்கவும்.

தேவையான அளவு உப்பு சேர்த்து,கரம் மசாலா சேர்த்து நன்றாக வதக்கவும்.தேவையான அளவு தண்ணீர் சேர்த்து மசால் வாடை போகும் வரை வதக்கவும்.

மிக்ஸி ஜாரில் தேவையான அளவு தேங்காய் சேர்த்து,முந்திரி பருப்பு,கசகசா சிறிதளவு சேர்த்து அரைத்துக் கொள்ளவும். காளானுடன் தேங்காய் விழுதை சேர்த்து நன்றாக கொதிக்க விடவும்.

உப்பு பார்த்துக் கொள்ளவும்.சுவையான காளான் கிரேவி தயார்.தோசை, சப்பாத்திக்கு ஏற்ற சைடு ஃடிஸ்.