ஒரு பெரிய நெல்லிக்காய் அளவு புளியை ஊற வைத்து இரண்டு டம்ளர் தண்ணீரில் நன்கு கரைத்து கொள்ளவும். அதில் தக்காளியை பொடியாக அரிந்து போடவும்.இதில் மஞ்சள்தூள் சேர்த்துக் கொள்ளவும். 10 பல் பூண்டு தோலுரித்து வைத்துக் கொள்ளவும். அரை ஸ்பூன் மிளகு முக்கால் ஸ்பூன் சீரகம் எடுத்துக் கொள்ளவும். பூண்டு மிளகு சீரகம் மூன்றையும் ஒன்றிரண்டாக இடித்துக் கொள்ளவும். அரை ஆப்பிள் பழத்தை பொடியாக அரிந்து கொள்ளவும். கிரீன் ஆப்பிள் அல்லது புளிப்பு சுவையுடைய அப்பிளாக எடுத்துக்கொள்ளவும். ரசத்தின் சுவை நன்றாக இருக்கும்.

ஒரு நான்-ஸ்டிக் கடாயில் ஒரு டேபிள்ஸ்பூன் ஆலிவ் ஆயில் சேர்க்கவும். ஆலிவ் ஆயில் இல்லை என்றால் நெய் அல்லது சமையல் எண்ணெய் சேர்த்துக் கொள்ளவும். காய்ந்தவுடன் அதில் கடுகு சீரகம் பெருங்காயத்தூள் 7, 8 வெந்தயம், ஒரு வரமிளகாய் சேர்த்து வறுத்துக் கொள்ளவும். பின்பு அதில் புளியில் ஊறவைத்த தக்காளியைஎடுத்து சேர்த்து வதக்கவும். உடன் இடித்து வைத்த சீரகம் மிளகு பூண்டினை சேர்த்து வதக்கவும். ஒரு நிமிடம் கழித்து பொடியாக அரிந்த ஆப்பிளை சேர்த்து 3 நிமிடம் வதக்கவும்.

பின்பு இதில் புளித் தண்ணீரை சேர்க்கவும் தேவையான அளவு உப்பு சேர்த்துக் கொள்ளவும்.ஒரு ஸ்பூன் வரை ரசப்பொடி சேர்த்துக் கொள்ளவும். கறிவேப்பிலை சேர்த்துக் கொள்ளவும். நன்கு கலந்து விட்டு இரண்டு மூன்று நிமிடம் வரை கொதிக்க விடவும்.

கடைசியாக பொடியாக அரிந்த கொத்தமல்லித்தழை சேர்த்து ரசத்தை மூடி வைக்கவும். சுவையான ஆப்பிள் ரசம் தயார். சாதத்திற்கு போட்டு சாப்பிடவும் அல்லது சூப் போல குடிக்கவும் நன்றாக இருக்கும். புளிப்பு ஆப்பிள் அல்லது க்ரீன் ஆப்பிள் உபயோகிக்கவும்.