தேங்காய் ஐ மிக்ஸியில் போட்டு வெதுவெதுப்பான நீர் விட்டு நன்றாக அரைத்து பிழிந்து கெட்டியான தேங்காய்ப்பால் எடுக்கவும்

பின் மீண்டும் சிறிது தண்ணீர் விட்டு நன்றாக அரைத்து பிழிந்து இரண்டாம் பால் எடுக்கவும் பின் தக்காளி ஐ தனியாக அரைத்து எடுக்கவும் வெங்காயத்துடன் பச்சைமிளகாய் சோம்பு பட்டை இஞ்சி பூண்டு சேர்த்து வதக்கி அரைத்து எடுக்கவும்

எண்ணெய் விட்டு சூடானதும் கடுகு சீரகம் சேர்த்து வெடித்ததும் அரைத்த வெங்காய விழுதை சேர்த்து வதக்கவும் பின் மிளகாய்த்தூள் கரம் மசாலா தூள் பெருங்காயத்தூள் மல்லித்தூள் சேர்த்து வதக்கவும் பின் தக்காளி விழுதை சேர்த்து வதக்கவும்

பின் தேவையான அளவு உப்பு சேர்த்து நன்கு வதக்கவும் பின் (காலிஃப்ளவர் ஐ சுத்தம் செய்து அலசி உப்பு மற்றும் மஞ்சள் தூள் சேர்த்து கொதிக்க விட்டு அதில் சுத்தம் செய்த காலிஃப்ளவர் ஐ சேர்த்து இரண்டு நிமிடம் கழித்து இறக்கி வடிகட்டி குளிர்ந்த நீரில் அலசி எடுக்கவும்) காலிஃப்ளவர் ஐ சேர்த்து நன்கு கிளறவும்

இரண்டாம் தேங்காய் பால் சேர்த்து நன்கு வேகவிடவும்

நன்கு கொதித்து பச்சை வாசனை போனதும் முதல் தேங்காய் பால் சேர்த்து மீண்டும் நன்கு சுண்ட கொதிக்க விடவும் பின் கொத்தமல்லி தழை தூவி பொடித்த வெல்லம் சேர்த்து நன்கு கிளறி ஐந்து நிமிடம் வரை கொதிக்க விட்டு இறக்கவும்

சுவையான காலிஃப்ளவர் தேங்காய் பால் குருமா ரெடி