முதலில் தேவையான பொருட்கள் அனைத்தையும் தயாராக எடுத்து வைத்துக் கொள்ளவும். கீரையை சுத்தம் செய்து தண்ணீரில் நன்றாக அலசி எடுத்து வைத்துக் கொள்ளவும்.பாசிப் பருப்பை அரை மணி நேரம் ஊறவைத்து கொள்ளவும். இப்பொழுது பருப்பு செய்வதற்காக ஒரு கடாயை அடுப்பில் வைத்து காய்ந்ததும் அதில் இரண்டு டீஸ்பூன் எண்ணெய் விட்டு காய்ந்ததும் அதில் சின்னவெங்காயம் பச்சைமிளகாய் வரமிளகாய் தக்காளி பூண்டு ஆகியவற்றை ஒன்றன் பின் ஒன்றாக தாளித்து சேர்த்து வதக்கிக் கொள்ளவும்.

முக்கால் பாகம் வதங்கியதும் ஊற வைத்த பாசிப்பருப்பு சேர்த்து தேவையான அளவு தண்ணீர் சேர்த்து நன்றாக வேகவைக்கவும்.பின்பு சுத்தம் செய்த கீரையை சேர்த்து மூடி போடாமல் 15லிருந்து 20 நிமிடம் நன்றாக வேக வைக்கவும்.இந்த கீரையை வேக சிறிது நேரம் எடுக்கும். தேவையான அளவு உப்பு சேர்த்து கீரையை நன்றாக வேகும் வரை வேக விடவும்.

பின்பு ஒரு பருப்பு கடையும் மத்து வைத்து நன்றாக கடைந்து கொள்ளவும். கீரையும் பருப்பும் நன்கு மசியும் வரை கடைந்து விடவும். தேவைப்படின் இறுதியில் ஒரு தாளிப்பு கடாயில் ஒரு டீஸ்பூன் எண்ணெய் விட்டு சிறிது சீரகம் வரமிளகாய் சேர்த்து தாளித்து சேர்த்துக் கொள்ளலாம்.இப்போது மருத்துவ குணங்கள் நிறைந்த மிகவும் சுவையான கரிசலாங்கண்ணி பருப்பு கடைசல் தயார். நன்றி. ஹேமலதா கதிர்வேல்.