பாலக் கீரையை ஆய்ந்து கழுவி பொடியாக நறுக்கி வைக்கவும். ஒரு கப் துவரம்பருப்பு வேக வைக்கவும். சிறிய வெங்காயம் பூண்டு உரித்து வைக்கவும். தக்காளி பொடியாக அரியவும். குக்கரில் பருப்பு வேக விடவும்.பொடியாக நறுக்கிய பாலக் கீரை மஞ்சள் தூள் ஒரு சிட்டிகை தக்காளி வெங்காயம் சாம்பார் பொடி உப்பு சேர்த்து நன்கு கலந்து விட்டு ஒரு விசில் விடவும்.

ஒருகை கரண்டியில் இரண்டு ஸ்பூன் நெய் விட்டு கடுகு ஒரு வர மிளகாய் சிறிது உளுந்து நசுக்கிய பூண்டு சேர்த்து நன்கு தாளித்து சாம்பாரில் சேர்த்து கலந்து விடவும். தேவைப்பட்டால் உளுந்து வடகம் அல்லது சாம்பார் வடகம் தாளித்து கொள்ளலாம். சப்பாத்தி தோசை சாதத்திற்கு இந்த குழம்பு மிகவும் சுவையாக இருக்கும்.

நாங்கள் புளி சேர்க்காமல் இந்த சாம்பார் செய்வோம். மிகவும் சுவையாக இருக்கும்.தேவைப்பட்டால் இரண்டு ஸ்பூன் புளி தண்ணீர் சேர்த்து கலந்து விடலாம்