தட்டைப்பயிறு லேசாக வறுத்து கழுவி குக்கரில் சேர்த்து மூழ்கும் வரை தண்ணீர் விட்டு 5 விசில் விடவும். உதிராக மலர வெந்து இருந்தால் நன்றாக இருக்கும். சின்ன வெங்காயம் பூண்டு பொடியாக அரியவும் சுண்டைக்காயை கழுவி நசுக்கி வைக்கவும். ஒரு வாணலியில் 3 ஸ்பூன் எண்ணெய் விட்டு கடுகு உளுந்து தாளித்து பச்சைமிளகாய் வரமிளகாய் கருவேப்பிலை வெங்காயம் பூண்டு சேர்த்து வதக்கவும். நசுக்கிய சுண்டைக்காய் சேர்த்து வதக்கவும். சிறிது நீர் தெளித்து மூடி வைக்கவும். சுண்டைக் காய் வெந்ததும் தட்ட பயறு சேர்த்து கிளறி விடவும்

புழுங்கலரிசி ரவை ஒரு ஸ்பூன் எடுத்து நன்கு வாசம் வர வறுத்து வைக்கவும் அல்லது இரண்டு ஸ்பூன் புழுங்கலரிசியை வறுத்து மிக்ஸியில் நைஸாக அரைக்கவும். வறுத்த பொடியை தட்டப்பயிறு மேல் தூவி மூன்று ஸ்பூன் துருவிய தேங்காய் சர்க்கரை சேர்த்து கறிவேப்பிலை மல்லித்தழை சேர்த்து நன்கு கிளறி இறக்கவும்.சுவையான தட்டப்பயிறு சுண்டைக்காய் சுண்டல் தயார்.

தட்டப்பயிறு உடன் சுண்டைக்காய் சேர்த்து செய்யும் பொழுது மிகவும் மணமாகவும் ருசியாகவும் இருக்கும். நீங்களும் செய்து பாருங்கள்