ஒரு அடி கனமான அகலமான பாத்திரத்தில் சர்க்கரையை கொட்டி இரண்டு கப் தண்ணீரை ஊற்றி 10 நிமிடம் கொதிக்க வைக்கவும். சர்க்கரை பாகு பிசுபிசுப்பாக வந்தவுடன் ஏலக்காய் பொடியை தூவி அடுப்பிலிருந்து இறக்கி வைக்கவும்.

பால் பவுடர், மைதா மாவு, சுகர் பவுடர் மற்றும் பேக்கிங் பவுடர் அனைத்தையும் சலித்துக் கொள்ளவும். பிறகு இந்த மாவு கலவையில் நெய்யை ஊற்றி 2 அல்லது 3 டேபிள்ஸ்பூன் நீர் சேர்த்து விரல்களால் மென்மையாக பிசைந்து கொள்ளவும். பிசைந்த மாவை உருண்டையாக உருட்டி 15 நிமிடம் ஊறவிடவும்.

15 நிமிடத்திற்கு பிறகு ஒரு எலுமிச்சை உருண்டை அளவு மாவை எடுத்து அதனுடன் பொடியாக நறுக்கிய முந்திரி மற்றும் பாதாம் பருப்புகள், மஞ்சள் வண்ணம் சேர்த்து பிசைந்து கொள்ளவும். பிறகு சிறு கோலிகுண்டு அளவுக்கு உருண்டைகளாக உருட்டிக் கொள்ளவும்.

மீதி இருக்கும் ஜாமுன் மாவு கலவையை எலுமிச்சை பழ அளவுக்கு உருண்டைகளாக ஆக்கி அதனுள் பருப்பு பூரணத்தை உள்ளே வைத்து நன்கு அழுத்தமான உருண்டைகளாக இரண்டு உள்ளங்கைகள் உள்ளே வைத்து உருட்டிக் கொள்ளவும்(மேற்பரப்பில் விரிசல் இருக்கக்கூடாது).