மைதா மாவை வெண்ணெய் மற்றும் உப்பு சேர்த்து நன்கு கலந்து நீர் சேர்த்து பூரி மாவு பதத்திற்கு பிசைந்து அரை மணி நேரம் ஊற வைக்கவும். தனியாக மேலே சொன்ன மைதா மாவு மற்றும் சோள மாவை கால் கப் நீர் விட்டு கரைத்து தனியே வைக்கவும்.

ஒரு அகலமான வாணலியை சூடேற்றி எண்ணெய் ஊற்றி சோம்பு சேர்த்து வறுத்து, நறுக்கிய வெங்காயத்தை சேர்த்து நன்கு பொன்னிறமாக வதக்கவும். பிறகு துருவிய கேரட், முட்டை கோஸ், பொடியாக நறுக்கிய பீன்ஸ், பச்சைப் பட்டாணி அனைத்தையும் சேர்த்து நன்கு வதக்கவும்.

காய்கறிகள் நன்கு வதங்கியவுடன் மிளகாய் தூள், தனியா தூள், கரம் மசாலா, மஞ்சள் தூள் மற்றும் உப்பு சேர்த்து நன்கு வதக்கி 10 நிமிடம் வேக விடவும். நறுக்கிய கொத்தமல்லியை சேர்த்து வதக்கவும். பிறகு 2 டீஸ்பூன் தக்காளி சாஸ் சேர்த்து நன்கு வதக்கி அடுப்பை அணைக்கவும்.

மைதா மாவை எலுமிச்சை பழ அளவுக்கு உருண்டைகளாக உருட்டிக் கொள்ளவும். பிறகு பூரிக்கு தேய்ப்பது போல வட்டமாக தேய்த்துக் கொள்ளவும். மாவு கரைசலை தொட்டு வட்டத்தின் விளிம்புகளில் தடவவும். படத்தில் காட்டியுள்ளது போல காய்கறி பூரணத்தை வைத்து மடித்து ரோல் செய்து கொள்ளவும்.

அனைத்து மாவு உருண்டைகளையும் மேலே சொன்னது போல ரோல்களாக செய்து கொள்ளவும். பிறகு இவற்றை பொன்னிறமாக எண்ணெயில் பொரித்து எடுக்கவும். சுவையான வெஜ் ரோல் தயார்.