ஒரு மண் சட்டியில் சிறிது நல்லெண்ணெய் சேர்த்து சூடானதும் 2கொத்து கருவேப்பிலை, பொடியாக நறுக்கிய பெரிய வெங்காயம், பூண்டு பல் சேர்த்து நன்றாக வதக்கி ஆறிய உடன் கொர கொரப்பாக அரைத்து எடுத்து கொள்ளவும்.

பின்னர் ஊற வைத்த புளியை கரைத்து எடுத்து கொண்டு அதனுடன் மஞ்சள் தூள், மிளகாய் தூள், மல்லித் தூள், கல்லுப்பு, அரைத்த வெங்காயம் பூண்டு பேஸ்ட் ஆகியவற்றை சேர்த்து கையினால் நன்றாக கலந்து கொள்ளவும். (தற்போது உப்பு, காரம் சார்ப்பர்த்து கொள்ளவும். உப்பு, காரம் 2டும் சற்று அதிகமாக தெரிந்தால் கொதித்த உடன் சாதத்துடன் சாப்பிட சரியாக இருக்கும்) பின்னர் மண் சட்டியில் சிறிது நல்லெண்ணெய் சேர்த்து நன்றாக சூடானதும் தாளிப்பு வடகம் சேர்த்து தாளிக்கவும்.

பின்னர் கருவேப்பிலை சிறிது, சின்ன வெங்காயம் மற்றும் விரும்பினால் பூண்டு பல் சேர்த்து நன்றாக வதக்கவும். பின்னர் பொடியாக நறுக்கிய தக்காளி சேர்த்து தக்காளி நன்கு மசியும் வரை வதக்கவும். பின்னர் புளிக்கரைசலை சேர்த்து மண் சட்டியை மூடி வைத்து 15நிமிடம் குழம்பு நன்றாக கொத்தித்து எண்ணெய் பிரிந்து வரும் வரை கொதிக்க விடவும்.

பின்னர் சுத்தம் செய்து வைத்துள்ள மீனை சேர்த்து மீண்டும் 5நிமிடம் கொதிக்க விட்டு இறக்கினால் செம டெஸ்டியான கிராமத்து மீன் குழம்பு தயார்.