மீனை சுத்தம் செய்து மஞ்சள் தூள் உப்பு சேர்த்து கழுவி வடித்து எடுத்துக் கொள்ளவும்.தேவையான பொருட்களை தயாராக வைத்துக் கொள்ளவும். புளியை ஊற வைக்கவும்.

மல்லி கறிவேப்பிலையை நறுக்கி கொள்ளவும். தக்காளியை நறுக்கிக் கொள்ளவும்.ஒரு மண் சட்டியில் நல்லெண்ணெய் சேர்த்து சூடானதும் பூண்டு, பச்சை மிளகாய், சின்ன வெங்காயத்தை சேர்த்து வதக்கவும்.

இரண்டு நிமிடம் வதங்கியபின் அரைத்த வெங்காய விழுது சேர்த்து பொன்னிறமாக வதக்கவும்.பிறகு நறுக்கிய தக்காளி சேர்த்து வதக்கவும்.

சிறிது உப்பு சேர்த்து வதக்கினால் தக்காளி மசிய வதங்கி விடும். கூடவே மல்லித்தூள்,மிளகாய்த்தூள், மஞ்சள்தூள், வெந்தய சீரக தூள் சேர்க்கவும். தக்காளி மசித்த பின் புளி கரைசலை சேர்த்து மூடி போட்டு கொதிக்க விடவும்.

பிறகு குழம்பிற்கு தேவையான அளவு தண்ணீர் சேர்த்துக் கொள்ளவும்.விழுது சேர்த்து 2 நிமிடம் கொதிக்க விடவும். பின் மீன் மற்றும் மாங்காய் துண்டுகளை சேர்த்து கொள்ளவும்.

இதில் நறுக்கிய மல்லி மற்றும் கருவேப்பிலையை சேர்த்து 2 நிமிடம் கொதித்த பின் அடுப்பை அணைத்து விடவும். அதிக நேரம் கொதித்தால் மீன் உடைந்து விடும். மணமணக்கும் மண்சட்டி மீன் குழம்பு தயார்.