முதலில் முட்டையை வேக வைத்து பிறகு கலவையில் 2 டேபிள் ஸ்பூன் எண்ணெய் ஊற்றி, மஞ்சள் தூள், மிளகாய் தூள், மிளகுத்தூள், உப்பு சேர்த்து கலக்கவும் வேகவைத்த முட்டையை கீறி கடாயில் சேர்த்து நன்கு வறுக்கவும். அடுத்து ஒரு குக்கரில் நெய், எண்ணெய், அன்னாசி பூ, பிரியாணி இலை, கல்பாசி, ஜாவிதிரி மெல்லிதாக நறுக்கிய பெரிய வெங்காயம், பச்சை மிளகாய் சேர்த்து நிறம் மாறும் வரை வதக்கவும்.

வெங்காயம் பொன்னிறமானவுடன், இஞ்சி பூண்டு விழுது சேர்த்து நன்கு வதக்கவும். பச்சை வாசனை போன பின்பு ஏலக்காய்த்தூள், பட்டைத்தூள் பொடியாக நறுக்கிய தக்காளி, தேவையான அளவு உப்பு சேர்த்து நன்கு வதக்கவும். தக்காளி பாதி வதங்கியதும் புதினா இலை சேர்த்து வதக்கவும்.

அடுத்தது வதங்கிய பிறகு தனியா தூள், மிளகாய் தூள், மஞ்சத்தூள், கரம் மசாலா சேர்த்து வதக்கவும். மசாலா பச்சை வாசனை போன பின்பு தயிர் சேர்த்து நன்கு கலக்கிய பின்பு வதக்கியவற்றுடன் சேர்க்கவும். 1 டம்ளர் அரிசிக்கு 1 1/2 டம்ளர் தண்ணீர் சேர்த்து முப்பது நிமிடம் தண்ணீரில் ஊறவைத்த பாசுமதி அரிசி சேர்த்து குக்கரை மூடி பத்து நிமிடத்திற்கு வேக வைக்கவும். 10 நிமிடம் கழித்து முட்டையை மேலே வைத்து 1 விசில் வைக்கவும். விசில் அடங்கிய பிறகு நறுக்கிய கொத்துமல்லி இலை சேர்த்து பரிமாறவும்.

சுவையான முட்டை பிரியாணி தயார்.