முதலில்குஸ்கா செய்ய தேவையான பொருட்களை பக்கத்தில் தயாராக எடுத்து வைக்க வேண்டும். அரிசியை 15 நிமிடம் ஊற வைத்து வடித்து எடுத்து கொள்ள வேண்டும்.

அடுப்பை பற்ற வைத்து ஒரு குக்கர் சூடானதும் அதில் நெய்,எண்ணெய் சேர்த்து காய்ந்ததும்

அதில் பட்டை கிராம்பு,ஏலக்காய்,பிரிஞ்சி இலை,அன்னாசிப் பூ, மராட்டி மொக்கு, கல்பாசி,சோம்பு பொரிந்த உடன் அதில் வெங்காயம் பச்சை மிளகாய் சேர்த்து பொன்னிறமாக வதக்கவும்.

அதனுடன் மல்லி இலை புதினா இலை சேர்த்து வதங்கியதும் அதனுடன் தக்காளியை சேர்த்து வதக்கவும்.

தக்காளி நன்றாக மசிந்து எண்ணெய் பிரிய அளவுக்கு வதக்கவும். பிறகு அதில் இஞ்சி,பூண்டு விழுதை சேர்த்து பச்சை வாடை போகும் வரை வதக்கவும்.

அதனுடன் மிளகாய்த்தூள் சேர்த்து வதங்கியதும் அதனுடன் தயிர் சேர்த்து நன்றாக வதக்கவும். வதக்கிய பின் அதில் இரண்டு டம்ளர் தண்ணீர் சேர்த்து நன்றாக கொதிக்க வைக்க வேண்டும்.

தண்ணீர் நன்றாக கொதித்த பின் அதில் அரிசி உப்பு சேர்த்து கலந்து ஒரு கொதி வரும் வரை வைக்கவும்.

கொதித்தபின் குக்கர் மூடியை போட்டு 3 விசில் போட்டு இறக்கவும். விசில் சத்தம் அடங்கியதும் குக்கரைத் திறந்து பார்த்து கிளறி விடவும்.