சேலம் ஸ்பெஷல் வெஜ் சால்னா

தேங்காய் துருவல், பொட்டுக்கடலை, காய்ந்த மிளகாய், கசகசா, சோம்பு ஆகியவற்றை கொர கொரப்பாக அரைத்துக் கொள்ளவும். (தேங்காய் மற்றும் பொட்டுக்கடலை ஒரே அளவில் எடுத்துக் கொள்ளவும்)

ஒரு கடாயில் சிறிது எண்ணெய் ஊற்றி சூடானதும் சோம்பு சேர்த்து தாளிக்கவும். பின் வெறும் வாணலியில் வறுத்து பவுடராக வைத்துள்ள பட்டை லவங்கம் தூளை சேர்த்து வதக்கவும்..

பின்னர் நீள வாக்கில் நறுக்கிய வெங்காயம், புதினா, தக்காளி, இஞ்சி பூண்டு விழுது சேர்த்து நன்றாக வதக்கவும். இந்த சால்னாவை இரும்பு கடாயில் அதிக தீயில் வைத்து வதக்கி செய்வது அதிக சுவை தரும்.(அதிக அளவு சால்னா தயாரித்தாலும் வெங்காயம் மற்றும் தக்காளி 1 போதும்).

தக்காளி வதங்கிய உடன் மஞ்சள் தூள், மிளகாய் தூள், மல்லித் தூள், சேலம் கறி மசாலா தூள் சேர்த்து வதக்கவும். (சேலம் ஸ்பெஷல் கறி மசாலா செய்முறை தனியாக பதிவு செய்கிறேன் (தனியா, சோம்பு, மிளகு, கசகசா, காய்ந்த ரோஜா பூ, பட்டை, லவங்கம், மாறாடீ மொக்கு,ஜாதிபத்திரி, ஜாதிக்காய் ஆகியவை வறுத்து அறைத்தது)

பின்னர் 1டம்ளர் தண்ணீர் சேர்த்து 10நிமிடம் கொதிக்க விடவும். பின் கொரகொரப்பாக அரைத்த தேங்காய் விழுதை சேர்த்து அதனுடன் 2டம்ளர் தண்ணீர் மற்றும் தேவையான உப்பு சேர்த்து நன்றாக கொதிக்க விடவும்.

பொட்டுக்கடலை சேர்த்து இருப்பதால் சால்னா கொதிக்க கொதிக்க திக்காக மாறும். அதற்கு ஏற்ப தண்ணீர் சேர்த்து கொதிக்க விட்டு இறக்கவும். இது பரோட்டா உடன் பரிமாறவும்.