1 முருங்கைக்காயை நறுக்கி குக்கரில் சிறிது தண்ணீர் விட்டு வேக வைக்கவும். வெந்தவுடன் ஒரு ஸ்பூன் வைத்து முருங்கைக்காயில் உள்ள சதைப்பகுதியை வழித்து எடுத்து வைக்கவும்.

அதில் சிறிது உப்பு சேர்த்து நன்கு மசித்து வைக்கவும். 1டீஸ்பூன் சீரகம், 10 மிளகு எடுத்து வைத்து, 8 பல் பூண்டு, 6 சின்ன வெங்காயம், 1 தக்காளி எடுத்து வைக்கவும்.

பூண்டை நன்கு தட்டி வைத்து, சின்ன வெங்காயம், தக்காளியும் பொடியாக நறுக்கி வைக்கவும். கடாயில் ஒரு டீஸ்பூன் நெய் விட்டு, சீரகம் மிளகு தாளித்து விடவும்.

அதனுடன் பூண்டு வெங்காயம், தக்காளி சேர்த்து நன்கு வதக்கி விடவும். அதனுடன் முருங்கைக்காய் வெந்த தண்ணீர் சேர்த்து,1/4 டீஸ்பூன் மஞ்சள் தூள் சேர்த்து கொதிக்க விடவும். மசித்து வைத்த முருங்கைக்காய் சதைப்பகுதியை சேர்த்து விடவும்.

உப்பு சேர்த்து நன்கு கொதிக்கவிடவும்.

பரிமாறும் கிண்ணத்தில் ஊற்றி வைத்து, தேவையான அளவு சீரகத்தூள், மிளகுத்தூள் சேர்த்து பரிமாறவும். சுவையான முருங்கைக்காய் சூப் ரெடி😋😋