1கப் இட்லி மாவை எடுத்து வைக்கவும். 2 தக்காளியை பொடியாக நறுக்கி பெரிய வெங்காயத்தை பொடியாக நறுக்கி வைக்கவும்.

1 ஒரு கைப்பிடி புதினா இலையை கழுவி எடுத்து வைக்கவும். மசாலா அரைப்பதற்கு: 1 கப் தேங்காய் துருவல், 1/4 கப் உடைத்த கடலை, 1 டீஸ்பூன் சோம்பு, 1 துண்டு இஞ்சி, 4 பல் பூண்டு, 15 மிளகு, 1 துண்டு பட்டை, 2 கிராம்பு எடுத்து வைக்கவும். இவை அனைத்தையும் மிக்ஸி ஜாரில் சேர்த்து விடவும்.

தேங்காய் சேர்த்து சிறிது தண்ணீர் விட்டு நைஸாக அரைத்து வைக்கவும். கடாயில் 2 டீஸ்பூன் ஆயில் 2 டீஸ்பூன் நெய் விட்டு, 1 டீஸ்பூன் கடுகு 1 டீஸ்பூன் சீரகம், 1 டீஸ்பூன் உளுந்து பருப்பு, 1 டீஸ்பூன கடலை பருப்பு, சிறிதளவு கறிவேப்பிலை சேர்த்து தாளித்து விடவும்.

அதனுடன் நறுக்கிய வெங்காயம் சேர்த்து நன்கு வதக்கி, தக்காளி, புதினா இலை சேர்த்து வதக்கி விடவும்.,

அதனுடன் 1 டீஸ்பூன் தனியாத்தூள், 1 டீஸ்பூன் மிளகாய் தூள், 1/4 டீஸ்பூன் மஞ்சள்தூள், உப்பு சேர்த்து நன்கு பிரட்டி விடவும்.

தண்ணீர் சிறிது விட்டு அரைத்த மசாலாவையும் சேர்த்து பச்சை வாசனை நீங்கள் நன்கு கொதிக்கவிடவும்.

ஒரு கிண்ணத்தில் மாற்றி எடுத்துவைத்து சிறிதளவு கொத்தமல்லி தழை தூவி பரிமாறவும். சுவையான குருமா ரெடி.😋😋

தோசைக்கல்லை சூடேற்றி தோசை ஊற்றி விடவும். இருபுறமும் ஆயில் சேர்த்து பொன்னிறமாக சுட்டு வைக்கவும்.

தோசையின் மேலே சிறிதளவு நெய் ஊற்றி, செய்த குருமாவை தோசையின் மேலே ஊற்றி, தடவி விடவும்.