அகலமான பவுலில் விப்பிங் க்ரீம் சேர்த்து எலக்ட்ரிக் பீட்டரின் மூலமாக ஹை ஸ்பீடில் ஸ்டிப் பீக் வரும் வரை விப் செய்து கொள்ளவும். கண்டன்ஸ்டு மில்க் மற்றும் வெண்ணிலா எசன்ஸ் சேர்த்து கிரீமியாக விப் செய்யவும். இதை ஏர் டைட் பாக்ஸில் சேர்த்து மூடி வைத்து ஃப்ரீஸரில் எட்டு மணி நேரம் வைக்கவும்.

நான் இன்று வீட்டிலேயே செய்த வெண்ணிலா ஐஸ்கிரீம் பயன்படுத்தியுள்ளேன். விருப்பப்பட்டால் கடையில் வாங்கின ஐஸ்கிரீம் கூட பயன்படுத்தலாம். இதற்கு சாக்கொலேட்‚ ஸ்ட்ராபெர்ரி ‚பிஸ்தா‚மேங்கோ போன்ற எல்லாவிதமான ஐஸ்கிரீம் கூட பயன்படுத்தலாம். இதற்கு கோதுமை மாவு பிரட் அல்லது மில்க் ப்ரெட் கூட பயன்படுத்தலாம்.

ஒரு பிரெட் ஸ்லைஸின் மேல் ஒரு ஸ்பூன் ஐஸ்கிரீம் வைத்து இன்னொரு பிரெட் ஸ்லைஸால் மூடவும். பிரட் பிரிந்து வந்தால் கொஞ்சம் தண்ணீர் தொட்டு அமுக்கி விடவும்.

ஏதாவது கூர்மையான பொருள் அல்லது கிளாஸ் வைத்து ரவுண்டு வடிவத்தில் கட் செய்து எடுக்கவும். கட் செய்த பிரெடை 15 நிமிடங்களில் இருந்து 20 நிமிடங்கள் வரை ஃப்ரீசரில் வைக்கவும். விருப்பப்பட்டால் இதை லட்டு போல் கையால் உருட்டி ஃப்ரீசரில் வைக்கலாம்.

ஃப்ரீசரில் இருந்து எடுத்தபின் நன்கு சூடாக இருக்கும் ரீபைன்ட் எண்ணெயில் மொரு மொரு என்று பொரித்து எடுக்கவும். கோல்டன் பிரவுன் ஆனபிறகு இதை எண்ணெயில் இருந்து எடுக்கலாம். கட் செய்யாமல் கையால் உருட்டி இருந்தால் நீங்கள் அதை பிரெட் கிரம்ப்சில் பெரட்டி கூட பொரித்து எடுக்கலாம்.

நான் சில பிரட்களை உருண்டையாக பிடித்துள்ளேன். நீங்கள் விருப்பப்பட்டால் இப்படி கூட செய்யலாம்.இதை அப்படியே சாப்பிட்டாலும் அருமையாக இருக்கும். நான் கொஞ்சம் அலங்கரிக்க மேலே சாக்லேட் சிரப் மற்றும் கொஞ்சம் ஐஸ்கிரீம் வைத்திருக்கிறேன். விருப்பப்பட்டால் செர்ரி பழம் கூட வைத்து பரிமாறலாம்.

இது கிளாஸில் கட் செய்து பொரித்த பிரெட்.
இதை கட் செய்து பார்த்தால் உள்ளே ஐஸ்கிரீம் உருக பிரைட் ஐஸ்க்ரீம் தயார். உள்ளே இனிப்பாகவும் ஜில்லுனு என்றும் வெளியே சூடாகவும் மொரு மொரு என்றும் அருமையான மாலை நேர சிற்றுண்டி தயார்.