துவரம் பருப்பை நன்றாகக் கழுவி 20 நிமிடங்கள் ஊற விட வேண்டும்.

இதனுடன் மஞ்சள் தூள் மற்றும் பெருங்காயத் தூள் சேர்த்து,இவை எல்லாம் மூழ்கும் அளவிற்கு தண்ணீர் சேர்த்து 6 விசில் விடவும்.

நன்றாக கொதித்ததும், சாம்பார் பொடி மற்றும் உப்பு சேர்க்கவும். சாம்பார் பொடி பச்சை வாசம் போகும் வரை நன்றாக கொதிக்க விடவும்.

பின்னர் தேங்காய் துருவலை சிறிதளவு தண்ணீர் சேர்த்து, மிக்ஸியில் ஒரு பல்ஸ் ஓட்டி சாம்பாரில் சேர்க்கவும்.

மீண்டும் நன்றாக கொதிக்க வைக்கவும். தேங்காய் போட்டதும் குழம்பு கொஞ்சம் கெட்டியாகும். அதனால் தேவை எனில் தண்ணீர் சேர்க்கவும். உப்பு சரி பார்க்கவும்.

மேலும்,ஒரு வாணலியில் எண்ணெய் ஊற்றி கடுகு,கறிவேப்பிலை நறுக்கிய சின்ன வெங்காயம்,வர மிளகாய் சேர்த்து தாளித்து சாம்பாரில் கொட்டவும்.

அவ்வளவுதான். சுவையான சாம்பார் ரெடி.

இது சாதம் மட்டுமில்லாமல் இரவு நேரத்தில் இட்லி,தோசை சாப்பிடுவதற்கு கூட காம்பினேஷன் ஆக இருக்கும்.

குறிப்பு:

காய்கறிகள் சாப்பிட விரும்புபவர்கள், ஒரு பாத்திரத்தில் நறுக்கிய காய்கறிகளை போட்டு மூடி வைத்து,அதை குக்கரில் வைத்து,பருப்புடன் சேர்த்து வேக விட்டால் காய்கறிகள் தனியாக வெந்துவிடும். அதை குழம்பில் சேர்த்து சுவைக்கலாம்.