நிலக்கடலை குழம்பு(புளி)

வெறும் கடாயில், தனியா,க.பருப்பு,உ.பருப்பு,மிளகாயை சிவக்க வறுத்துக் கொள்ளவும்.

வறுத்ததை ஆறினதும் மிக்ஸியில் போட்டு சற்று கொரகொரப்பாக அரைத்துக் கொள்ளவும்.கடாயில் நல்லெண்ணெய் காய்ந்ததும்,கடுகு,வெந்தயம்,மிளகாய் தாளிக்கவும்.

பிறகு நறுக்கின வெங்காயம்,ம.தூள்,காஷ்மீரி மிளகாய்தூள்,கல்லுப்பு போட்டு வதக்கவும்.வதங்கியதும்,தக்காளி,கறிவேப்பிலை,பெருங்காயத்தூள், போடவும்..வேர்க்கடலையை 4மணி நேரம் ஊறவைத்து, பிறகு தண்ணீரை வடித்து வேறு தண்ணீர்,கல்லுப்பு,ம.தூள் போட்டு 5விசில் வைத்து குக்கரில் வேகவைத்துக் கொள்ளவும்.

பின்பு வதங்கினவைகளுடன் வேகவைத்த வேர்க்கடலையை போடவும்.புளியை ஊற வைத்து,பிறகு வடிகட்டி,கடலையுடன்,புளிக்கரைசலை ஊற்றி கொதிக்கவிடவும்.புளிவாசனை போக கொதித்ததும்,அரைத்த பொடியை போடவும்.

ஒன்று சேர கொதிக்க விடவும்.கறிவேப்பிலை,கொத்தமல்லி யைசுத்தம் செய்து கொள்ளவும்.குழம்பு கொதித்து கெட்டியானதும்,கறிவேப்பிலை,கொத்தமல்லி தழையை போடவும்.

பின்பு இறக்கிவிடவும்.சூப்பரான,"நிலக்கடலை குழம்பு",(புளி) சுடசுட தயார். இது சுடு சாதத்தில் நெய்,(அ) நல்லெண்ணெயுடன் சுட்ட அப்பளம் காம்பினேஷனுடன் மிகமிக ஆப்டாக இருக்கும்.