சுரைக்காய் நிலக்கடலை குழம்பு

1கப் பச்சை நிலக்கடலை,1/2சுரைக்காய் எடுத்து வைக்கவும்.நிலக்கடலையை கழுவி ஊற வைக்கவும்.சுரைக்காயை தோல் நீக்கி கழுவி பொடியாக நறுக்கி வைக்கவும்

வறுத்து அரைக்க: 1டீஸ்பூன் கடலை பருப்பு,2,டீஸ்பூன் தனியா,1டீஸ்பூன் சீரகம்,1,டீஸ்பூன் மிளகு1/4டீஸ்பூன் வெந்தயம்,5வர மிளகாய்,3டேபிள் ஸ்பூன் துருவிய தேங்காய் எடுத்து வைக்கவும். 1எலுமிச்சை அளவு புளியை கழுவி ஊற விடவும்.2 டேபிள் ஸ்பூன் துவரம் பருப்பை எடுத்து வைக்கவும்.

2 டேபிள் ஸ்பூன் துவரம் பருப்பை குக்கரில் சேர்த்து கழுவி,3விசில் வேக விடவும்.ஊற வைத்த 1 கப் நிலக்கடலை குக்கரில் சேர்த்து 4 விசில் வேகவிடவும். கடாயில் 1 டீஸ்பூன் ஆயில் விட்டு, வறுத்து அரைக்க எடுத்து வைத்த பொருட்களை சேர்த்து நன்கு வறுத்து விடவும்.

அதனுடன் 3 டேபிள்ஸ்பூன் தேங்காய் துருவல் சேர்த்து நன்கு வறுத்து ஆற விட்டு மிக்ஸியில் சேர்த்து நன்கு அரைத்து வைக்கவும்.15 சின்ன வெங்காயம்,6 பல் பூண்டு, 1 தக்காளி, சிறிதளவு கறிவேப்பிலை எடுத்து வைக்கவும். குக்கரில் 2 டீஸ்பூன் ஆயில் விட்டு ஒரு டீஸ்பூன் கடுகு சிறிதளவு கறிவேப்பிலை வெங்காயம், பூண்டு தக்காளி சேர்த்து நன்கு வதக்கி விடவும்.

அதனுடன் நறுக்கிய சுரைக்காயை சேர்த்து வதக்கி,1/4 டீஸ்பூன் மஞ்சள்தூள், உப்பு சேர்த்து கலக்கி, அரைத்த விழுதை சேர்க்கவும்.

வேகவைத்த நிலக்கடலை சேர்க்கவும். நன்கு கலக்கி விட்டு, சிறிது தண்ணீர் விட்டு, குக்கரில் ஒரு விசில் வேகவிடவும்.

வெந்தவுடன், வேக வைத்த துவரம்பருப்பை சேர்த்து விடவும்.

நன்கு கலக்கி விட்டு புளியை கரைத்து ஒரு கப் அளவு புளித்தண்ணீர் சேர்க்கவும். குக்கரில் 2 விசில் வேகவிடவும்.

சுவையான சுரைக்காய் நிலக்கடலை குழம்பு ரெடி😋😋 சாதத்துடன் சாப்பிட அருமையாக இருக்கும்.