நிலக்கடலை குழம்பு

முதலில் தேவையான பொருட்களை எடுத்து வைத்துக் கொள்ளவும்.வெங்காயம் தக்காளியை நறுக்கி வைத்துக் கொள்ளவும்.

தேங்காய் பச்சை மிளகாய் சீரகம் இவைகளைஒரு மிக்ஸி ஜாரில் சேர்த்து நன்கு அரைத்துக் கொள்ளவும்.

நிலக்கடலையை ஒரு சிறிய வாணலியில் வறுத்து தோல் எடுத்து வைத்துக் கொள்ளவும்.

இப்பொழுது தோல் எடுத்த நிலக்கடலையை ஒரு சிறிய குக்கரில் போட்டு ஒரு டம்ளர் தண்ணீர் ஊற்றி 5 விசில் வரும் வரை வேக வைக்கவும்.

ஒரு மண் சட்டியில் நல்லெண்ணெய் ஊற்றி கடுகு, கருவேப்பிலை,பெருங்காயம் தாளித்து பிறகு வெங்காயம் சேர்த்து வதக்கி தக்காளி மஞ்சள்தூள் உப்பு சேர்த்து நன்கு வதக்கவும்.

தக்காளி நன்கு வெந்தவுடன் சாம்பார் பொடியும் சேர்த்து பச்சை வாசனை போகும் வரை வதக்கி அரைத்த தேங்காய் கலவையை சேர்த்து நன்கு வதக்கவும்.

இப்பொழுது வேகவைத்த நிலக்கடலையை போட்டு கலக்கி பத்து நிமிடம் கொதிக்க விடவும்.

நன்கு கொதித்து பொங்கி வரும் பொழுது கொத்தமல்லி தூவி இறக்கவும்.சுவையான நிலக்கடலை குழம்பு தயார். இதை சாதத்துடனும்அல்லது சப்பாத்தி தோசையுடன் தொட்டு சாப்பிடலாம்.