முதலில் அரிசியை கழுவி 2 நிமிடம் ஊற வைத்து வடித்து சிறிது நெய் சேர்த்து வறுத்துக் கொள்ளவும். குக்கரில் நெய் மற்றும் எண்ணெய் சேர்த்து அதில் பட்டை கிராம்பு பிரிஞ்சி இலை மராட்டி மொக்கு அன்னாசிப் பூ சேர்த்து வதக்கவும் பின் நறுக்கிய பெரிய வெங்காயம் சேர்த்து பொன்னிறமாக வதக்கவும் வெங்காயம் வதங்கியவுடன் நறுக்கிய பச்சை மிளகாய் இஞ்சி பூண்டு விழுது புதினா சேர்த்து பச்சை வாசம் போகும் வரை வதக்கவும். பின் தக்காளி சேர்த்து அதனுடன் உப்பு மிளகாய்த்தூள் பிரியாணி மசாலா சேர்த்து தக்காளி கரையும் வரை நன்றாக வதக்கவும்.

தக்காளி நன்றாக வெந்து கரைந்தவுடன் நறுக்கி சுத்தம் செய்து வைத்துள்ள காளானை சேர்த்து 2 நிமிடம் வதக்கி பின் ஒரு கப் அரிசிக்கு ஒன்றரை கப் அளவு தண்ணீர் சேர்த்து கொதிக்க வைக்கவும். தண்ணீர் கொதித்தவுடன் ஏற்கனவே வறுத்து வைத்துள்ள அரிசியை சேர்த்து கிளறவும். பின் உப்பு சரிபார்த்து மேலும் சிறிது நெய் சேர்த்து குக்கரை மூடி 10 நிமிடம் மிதமான சூட்டில் வேக வைக்கவும். பத்து நிமிடம் கழித்து அடுப்பை அணைத்து விடவும். பின் குக்கர் விசில் அடங்கியவுடன் திறந்து பரிமாறவும்.