ஒரு கிண்ணத்தில் ஈஸ்ட் மற்றும் சர்க்கரை சேர்த்து அதில் வெதுவெதுப்பான தண்ணீர் சேர்த்து கலந்து 10 நிமிடம் வைக்கவும். ஒரு அகலமான பாத்திரத்தில் மைதா மாவு உப்பு சேர்த்து கலக்கவும். இதில் பொங்கி வந்த ஈஸ்ட் கலவையை சேர்க்கவும். இதனை தேவையான அளவு வெதுவெதுப்பான தண்ணீர் சேர்த்து கொஞ்சம் பிசுபிசுப்பான மாவாக பிசையவும்.

பிசைந்த மாவை கொஞ்சம் கொஞ்சமாக எண்ணெய் சேர்த்து உள்ளங் கைகளால் விரித்து வைத்து பிசையவும். பத்து நிமிடங்களுக்கு நன்கு பிசைந்து வைக்கவும்.

இதை எண்ணை தடவிய ஒரு பாத்திரத்தில் வைத்து மூடி போட்டு ஒன்றரை மணி நேரம் வைக்கவும்.

காய்ந்த மிளகாயை ஒரு மணி நேரம் வெந்நீரில் ஊற வைக்கவும். இதை பூண்டுடன் அரைத்துக்கொள்ளவும். அடுப்பில் ஒரு பெண் வைத்து எண்ணெய் சேர்த்து சூடானதும் நீளமாக நறுக்கிய வெங்காயத்தை சேர்த்து வதக்கவும். இதில் அரைத்த மிளகாய் விழுதை சேர்த்து வதக்கவும். இதில் சிறிய துண்டுகளாக வெட்டிய முத்து காளானை சேர்த்து அதிக தீயில் வதக்கவும்.

காளானில் தண்ணீர் வற்றிய பின் சர்க்கரை மற்றும் தக்காளி சாஸ் சேர்த்து ஒரு நிமிடம் வதக்கவும். உப்பு மற்றும் மிளகு தூள் சேர்த்து கிளறி அடுப்பை அணைக்கவும். இதனை நன்றாக ஆறவிடவும்.

இரட்டிப்பாக ஒட்டி வந்த மாவை கைகளால் அழுத்தி விட்டு நான்காகப் பிரித்துக் கொள்ளவும். இதனை வெடிப்பு இல்லாமல் நன்கு உருண்டைகளாக உருட்டி வைக்கவும்.

இதனை நன்றாக தேய்த்து நடுவில் காளான் கலவையை வைத்து ஒரு பக்கம் இழுத்து மசாலாவை மூடும்படி அழுத்தமாக படத்தில் காட்டியுள்ளபடி ஒட்டி விடவும். மற்றொரு பக்கம் தேய்த்த மாவை கத்தியால் நீளமாக கீறல்கள் போட்டு அதனை அப்படியே எடுத்து மேல்புறமாக போட்டு ஷேப் செய்யவும்.

பட்டர் பேப்பர் வைத்த பேக்கிங் தட்டில் தயார் செய்த ரோல்களை அடுக்கி வைக்கவும். இதன்மேல் பிரஷ் கொண்டு பாலை தடவவும். இதனை துணியால் மூடி 20 நிமிடங்கள் வைக்கவும்.

உப்பி வந்த ரோல்களை மீண்டும் பால் தடவி ஓவனில் வைத்து பேக் செய்யவும். 15 நிமிடங்கள் ப்ரீ ஹிட் செய்த ஓவனில் 220 டிகிரியில் 25 நிமிடங்கள் பேக் செய்யவும். பேக் செய்த சூடான நூல்களின் அல்லது வெண்ணெய் தடவி துணியால் மூடி 10 நிமிடம் வைக்கவும்.

மிருதுவான மஸ்ரூம் ரோல் சுவைக்க தயார். தக்காளி சாஸுடன் பரிமாற சுவையாக இருக்கும். காலை அல்லது இரவு நேர உணவாக பரிமாறலாம்.