மைதா மாவு, சிறிதளவு உப்பு, சர்க்கரை மற்றும் தேவையான அளவு தண்ணீர் கலந்து மாவை நன்கு பிசைந்து இரண்டு மணிநேரம் ஊற வைத்துக் கொள்ள வேண்டும். பிறகு பருப்பை இரண்டு மணி நேரம் ஊற வைத்து குக்கரில் தண்ணீர் சேர்த்து வேக வைத்துக் கொள்ள வேண்டும்.

வேகவைத்த பருப்பை தனியாக எடுத்து வைத்துக்கொள்ள வேண்டும். அதனுடன் வெல்லம் சேர்த்து மிக்ஸியில் மையாக அரைத்துக் கொள்ள வேண்டும்.

அதன் பிறகு தேங்காய் மற்றும் ஏலக்காயை மிக்ஸியில் அரைத்துக் கொள்ள வேண்டும். துருவிய தேங்காயையும் பயன்படுத்தலாம் பிறகு ஒரு வாணலியில் நெய் சேர்த்துக் கொள்ள வேண்டும்.

நெய் உருகிய பிறகு அரைத்து வைத்துள்ள பருப்பு மற்றும் வெல்லம் கலவையை சேர்த்து கிளறிக் கொள்ள வேண்டும். அதனுடன் மிக்ஸியில் அடித்த தேங்காய் மற்றும் ஏலக்காய் தூளையும் சேர்த்து அல்வா பதம் வரும் வரை நன்கு கிளறிக் கொள்ள வேண்டும்.

பிறகு மாவை சப்பாத்தி போல் திரட்டி நடுவில் தயார் செய்து வைத்துள்ள அல்வாவை வைத்து சமோசா வடிவில் மடித்து கொள்ள வேண்டும்.

படத்தில் காண்பித்தவாறு மடித்து விரலை வைத்து அழுத்தி தயார் செய்து வைத்துக் கொள்ள வேண்டும்.

அதன் பிறகு ஒரு வாணலியில் எண்ணெய் ஊற்றி எண்ணெய் சூடாக்கிய உடன் தயார் செய்து வைத்துள்ள பூரியை சேர்த்து இருபுறமும் நன்கு சிவக்க பொரித்து எடுத்துக்கொள்ளவேண்டும். சுவையான அல்வா பூரி தயார்.