முதலில் சிக்கனை மஞ்சள் சேர்த்து நன்கு கழுவி அதை இஞ்சி பூண்டு விழுது மஞ்சள் தூள் சிறிதளவு சேர்த்து கலந்து வைக்கவும். அடுத்தது ஒரு கடாயில் எண்ணெய் ஊற்றி அதில் கடுகு, சோம்பு, வரமிளகாய், கருவேப்பிலை சின்ன வெங்காயம் சேர்த்து வதக்கவும்.

வெங்காயம் பாதி வதங்கிய பின்பு நறுக்கிய தேங்காய் சேர்த்து நன்கு கலந்து விடவும். பிறகு மிக்ஸி ஜாரில் பூண்டு, இஞ்சி,பச்சை மிளகாய் சேர்த்து கொரகொரப்பாக அரைத்ததை சேர்த்து பச்சை வாசம் போகும் வரை வதக்கவும். பிறகு சிக்கன் சேர்த்து 5 நிமிடம் வதக்கவும். நன்கு வதக்கிய பிறகு தேவையான அளவு உப்பு சேர்க்கவும்.

அடுத்தது சிறிதளவு தண்ணீர் ஊற்றி, மிதமான தீயில் 20 நிமிடம் வேக வைக்கவும். 20 நிமிடம் கழித்து தண்ணீர் வற்றிய பிறகு இதில் சிறிதளவு பொடியாக நறுக்கிய கொத்துமல்லி இலை கருவேப்பிலை சேர்த்து நன்கு கலந்து சூடாக பரிமாறலாம்