பச்சை மக்காச்சோளத்தை பிரித்து எடுத்து, குறைந்தது பத்து மணி நேரம் ஊறவைக்கவும்.பின்னர் அத்துடன் அரிசியை கழுவி சேர்த்து ஐந்து மணிநேரம் தண்ணீரில் ஊறவைக்கவும். அரைப்பதற்கு ஒரு மணி நேரம் முன்பு உளுந்து, வெந்தயம் சேர்த்து ஊற விடவும்.

பின்னர் கிரைண்டரில் சேர்த்து, கொஞ்சம் தண்ணீர் விட்டு தோசைக்கு அரைப்பது போல் அரைத்து எடுக்கவும்.

வாணலியை ஸ்டவ்வில் வைத்து எண்ணை ஊற்றி சூடானதும் கடுகு, உளுந்து, கடலை பருப்பு சேர்த்து பொரிந்ததும்,வெங்காயம், தக்காளி,மல்லி, கறிவேப்பிலை சேர்த்து நன்கு வதக்கவும்.

ஒரு பௌலில் வறுத்த வெங்காயம், தக்காளி கலவையை சேர்த்து, அத்துடன் தேவையான அளவு அரைத்து வைத்துள்ள மாவை சேர்த்து கலந்து கொள்ளவும்.

பின்னர் பணியாரம் செய்யும் தவாவை ஸ்டவ்வில் வைத்து சூடானதும், ஒவ்வொரு குழியிலும் எண்ணை சேர்த்து பாதி அளவு மாவை சேர்த்து மிதமான சூட்டில் வைத்து வேகவிடவும். நன்கு வெந்ததும் மறுபக்கம் திருப்பி போட்டு எடுத்தால் பணியாரம் தயார்.

இந்த பச்சை மக்காச்சோள கார பணியாரம் மிகவும் சுவையாக இருக்கும்.மிகவும் சத்தானது.

பச்சை மக்காச்சோளம் கிராமங்களில் அதிகமாக கிடைக்கும். அங்கு அதிகம் இது போன்று பணியாரம், தோசை போன்ற உணவுகளுக்கு பயன்படுத்துவார்கள்.