மட்டன் லேயர் தம் பிரியாணி(mutton layer dum biryani recipe in tamil)

அரிசியை அளந்து சுத்தம் செய்து அலசி 40 நிமிடங்கள் வரை ஊறவிடவும் பின் அலங்கரிக்க கொடுத்துள்ள முந்திரி ஐ பொரித்து எடுக்கவும்

வெங்காயத்தை நீளவாக்கில் மெல்லியதாக நறுக்கி சூடான எண்ணெயில் பொன்னிறமாக பொரித்து எடுக்கவும்

மட்டனை கழுவி சுத்தம் செய்து உப்பு மஞ்சள் தூள் 1 டேபிள்ஸ்பூன் இஞ்சி பூண்டு விழுது ஆகியவற்றை சேர்த்து சிறிது தண்ணீர் சேர்த்து 15 நிமிடங்கள் வரை வேகவிடவும் பின் தண்ணீரை வடிகட்டி கொள்ளவும் பின் இதை அளந்து 1 கப் அரிசிக்கு 1_1/2 கப் தண்ணீர் வீதம் மட்டன் வேகவைத்த தண்ணீர் உடன் மேலும் தேவையான அளவு தண்ணீரை ஊற்றி கொதிக்க விடவும்

கொதித்ததும் ஊறவைத்த அரிசியை தண்ணீரை வடிகட்டி சேர்த்து வேகவிடவும் அடிக்கடி கிளற கூடாது சாதம் 70 சதவீதம் வரை மட்டுமே வேகவிடவும் பின் தாம்பாளத்தில் பரப்பி மேல் பரவலாக தேங்காய் எண்ணெய் விட்டு ஆறவிடவும் பின் வேறு ஒரு பாத்திரத்தில் எண்ணெய் ஊற்றி காய்ந்ததும் பட்டை கிராம்பு ஏலக்காய் மராத்தி மொக்கு அன்னாச்சி பூ ஜாதிபத்ரி சேர்த்து வெடித்ததும் சோம்பு சேர்த்து பொரிய விடவும்

பின் நறுக்கிய வெங்காயம் பச்சை மிளகாயை சேர்த்து வதக்கவும் பின் கறிவேப்பிலை சேர்த்து வதக்கவும் பின் நறுக்கிய தக்காளி சேர்த்து வதக்கவும் பின் இஞ்சி பூண்டு விழுது சேர்த்து எண்ணெய் பிரியும் வரை வதக்கவும்

பின் மஞ்சள் தூள் காஷ்மீர் மிளகாய்த்தூள் கரம் மசாலா தூள் பிரியாணி மசாலா தூள் சேர்த்து பச்சை வாசனை போக வதக்கவும் பின் வேகவைத்த மட்டனை சேர்த்து வதக்கவும்

ஏற்கனவே வேகவைத்திருப்பதால் 1/2 டம்ளர் தண்ணீர் மட்டும் ஊற்றி எண்ணெய் பிரிந்து வரும் வரை நன்றாக வதக்கவும் இப்போது சாதம் மற்றும் கிரேவி ரெடி தம் போடறது எப்படி என்று பார்க்கலாம்
பின் ஒரு பாத்திரத்தில் சிறிது நெய்யை ஊற்றி தடவி விடவும்

பின் ரெடியாக உள்ள சாதத்தை பரவலாக போடவும் பின் சிறிது மட்டன் கிரேவியை பரவலாக போடவும் பின் அதன் மேல் மீண்டும் சிறிது சாதத்தை பரவலாக போடவும்

பின் மீதமுள்ள மட்டன் கிரேவியை பரவலாக போடவும் அதன் மேல் பொடியாக நறுக்கிய கொத்தமல்லி தழையை தூவி விடவும் பின் அதன் மேல் மீதமுள்ள சாதத்தை பரவலாக போடவும்

அதன் மேல் பொடியாக நறுக்கிய கொத்தமல்லி தழையை தூவி விடவும் பின் வறுத்த முந்திரி பருப்பை பரவலாக போடவும்

பின் பொரித்த வெங்காயத்தை பரவலாக போடவும் பின் அதன் மேல் நெய்யை பரவலாக ஊற்றவும்

இப்போது தோசைக்கல்லை அடுப்பில் வைத்து சூடாக்கவும் பின் அதன் மேல் பிரியாணி பாத்திரத்தை வைத்து மூடி அதன் மேல் கொதிக்கும் நீர் பாத்திரத்தை வைக்கவும் அடுப்பை மெல்லிய தீயில் வைத்து 15 நிமிடங்கள் வரை தம் போடவும் இதற்கு பதிலாக நெருப்பு போட முடிந்தால் போடலாம் அது இன்னும் நன்றாக இருக்கும்

பதினைந்து நிமிடம் கழித்து திறந்து அரிசி உடையாமல் மெதுவாக கிளறி விடவும்

சாதம் 70 சதவீதம் வரை மட்டுமே வேகவிடவும் மட்டன் கிரேவி அதிக தண்ணீர் சேர்த்து நீர்க்க குழம்பு மாதிரி இருக்க கூடாது தொக்கு மாதிரி எண்ணெய் பிரிந்து வரும் வரை நன்றாக சுண்ட விட வேண்டும் அதற்காக சுக்கா மாதிரி ட்ரையாகவும் இருக்க கூடாது இந்த பதம் முக்கியமானது

சுவையான ஆரோக்கியமான மட்டன் லேயர் தம் பிரியாணி ரெடி