ஒரு குக்கரை அடுப்பில் வைத்து எண்ணெய் சேர்க்கவும் எண்ணெய் சூடானதும் அரைத்த வெங்காய விழுதைச் சேர்த்து மற்றும் இஞ்சி பூண்டு விழுதை சேர்த்து பச்சை வாசனை போகும் வரை வதக்கிக் கொள்ளவும்.

இதில் மிளகாய்த்தூள் மஞ்சள்தூள் மல்லித்தூள் கரம் மசாலாத்தூள் உப்பு நறுக்கிய மல்லி புதினா இலைகள் இவற்றைச் சேர்த்து கொஞ்சம் தண்ணீர் தெளித்து 2 நிமிடம் வதக்கவும்.

துண்டுகளாக வெட்டிய பீன்ஸ் மற்றும் உருளைக்கிழங்கு சேர்க்கவும் இதில் உப்பு சேர்த்து நன்றாக வதக்கவும். வெந்த பின் தக்காளி விழுதை சேர்த்து வதக்கவும்.

வதங்கிய பின் தண்ணீர் சேர்த்து கொதி வந்ததும் தேங்காய் விழுதை சேர்த்து கொஞ்சம் கொத்தமல்லி இலைகளை தூவி குக்கரை மூடி 3 விசில் வேகவிடவும் சுவையான பீன்ஸ் குருமா தயார்.