பருப்பை நன்கு கழுவி சுத்தம் செய்து 30 நிமிடம் ஊற வைத்து தண்ணீர் இல்லாமல் வடிகட்டி எடுத்து குக்கரில் சேர்த்துகொள்ளவும்.

இதில் 1/2 வெங்காயம், தக்காளி, மஞ்சள் தூள், கறிவேப்பிலை, பச்சை மிளகாய் சேர்த்து சிறிதளவு தண்ணீர் ஊற்றி 3 விசில் விட்டு இறக்கவும்.

புடலங்காயை தோல் சீவி கழுவி சுத்தம் செய்து சிறிய துண்டாக நறுக்கி வைத்துக் கொள்ளவும். அடுப்பில் வாணலியில் எண்ணெய் ஊற்றி காய்ந்ததும் கடுகு, சீரகம் தாளித்து காய்ந்த மிளகாய், கறிவேப்பிலை, பூண்டு பல் சேர்த்து வதக்கவும்.

இதில் வெங்காயம் சேர்த்து வதக்கி தக்காளி, மஞ்சள் தூள்,உப்பு சேர்த்து நன்கு வதக்கவும்.

இதில் மல்லி தூள் சேர்த்து நன்கு வதக்கி புடலங்காய் சேர்த்து நன்கு வதக்கவும்.

பிறகு இதில் வேக வைத்த பருப்பை நன்கு மசித்து சேர்த்து கலந்து விடவும்.

மிக்ஸியில் தேங்காய் துருவல், பச்சை மிளகாய், சீரகம் சேர்த்து பேஸ்ட் போல் அரைத்து எடுத்து கொள்ளவும்.

தாளிப்பு கரண்டியில் தேங்காய் எண்ணெய் ஊற்றி கடுகு, பூண்டு பல் தட்டியது, கறிவேப்பிலை, காய்ந்த மிளகாய் சேர்த்து தாளித்து கூட்டில் ஊற்றி கொள்ளவும்.

சுவையான கல்யாண வீட்டு புடலங்காய் கூட்டு தயார். என் அம்மாவிற்கு மிகவும் பிடித்தது. நன்றி