வெங்காயத்தை விழுதாக அரைத்து எடுக்கவும் பின் வாணலியில் எண்ணெய் விட்டு சூடானதும் பட்டை கிராம்பு ஏலக்காய் சேர்த்து வதக்கவும்

பின் கரகரப்பாக அரைத்த வெங்காய விழுதை சேர்த்து நன்கு பச்சை வாசனை போக வதக்கவும் பின் நறுக்கிய பச்சைமிளகாய் சேர்த்து நன்கு வதக்கவும்

பின் இஞ்சி பூண்டு விழுது சேர்த்து வதக்கவும் ரொம்ப டார்க் ப்ரவுன் வரும் வரை வதக்க வேண்டாம் பச்சை வாசனை போக வதக்கவும் பின் நறுக்கிய கேரட் பீன்ஸ் சேர்க்கவும்

பின் பச்சை பட்டாணி சேர்த்து உப்பு சேர்த்து நன்கு கலந்து பத்து நிமிடம் வரை மூடி வைத்து மெல்லிய தீயில் வேக விடவும்

பின் நன்கு ஒரு முறை கிளறி சிறிது தண்ணீர் ஊற்றி வேகவிடவும் மசாலா அரைக்க கொடுத்துள்ள பொருட்களை மிக்ஸியில் போட்டு நைசாக அரைத்து எடுக்கவும்

முந்திரி கசகசா இரண்டையும் சூடான தண்ணீரில் ஒரு மணி நேரம் வரை ஊறவிட்டு பின் தேங்காய் துருவல் உடன் சேர்த்து நன்கு மைய அரைத்து ஊற்றவும்

பின் கலந்து வெள்ளை மிளகுத்தூள் சேர்த்து நன்கு கொதிக்க விடவும்

மசாலா பச்சை வாசனை போக மெல்லிய தீயில் வைத்து நன்றாக கொதிக்க விடவும் அவ்வப்போது திறந்து கிளறி விடவும் முந்திரி கசகசா சேர்த்திருப்பதால் அடி பிடிக்கும் அதனால் தொடர்ந்து அவ்வப்போது திறந்து கிளறி விடவும்

தயிரை கட்டியில்லாமல் பீட் செய்து ஊற்றவும்

பின் தயிர் சேர்த்த பிறகு அதிக நேரம் கொதிக்க விட கூடாது தீயையும் வேகமாக எரிய விடக்கூடாது சில சமயங்களில் திரிந்தது போல் ஆகிவிடும் 3_4 நிமிடங்கள் வரை மெல்லிய தீயில் வைத்து ஓரங்களில் நுரைத்து பொங்கி வரும் போது கொத்தமல்லி தழை தூவி இறக்கவும்

சுவையான ஆரோக்கியமான வெஜிடபிள் வெள்ளை குருமா ரெடி

ஆப்பம் இடியாப்பம் ஆகியவற்றுடன் சேர்த்து பரிமாற ஏற்ற சைட் டிஷ் வயிற்றிற்கு இதமாக இருக்கும் மசாலா வாசனை இருக்காது தக்காளி விலை அதிகமாக இருக்கும் சமயங்களில் இந்த மாதிரி சைட் டிஷ் கை கொடுக்கும்