பின்னர் ஊற வைத்துள்ள உளுந்தை எடுத்து விழுதாக அரைக்கவும். அரைத்த மாவை எடுத்து ஒரு பாத்திரத்தில் சேர்க்கவும்.

பின்னர் ஒரு பாத்திரத்தில் இரண்டு கரண்டி மாவை எடுத்து தண்ணீர் சேர்த்து நன்கு கலந்து ஸ்டவ்வில் வைக்கவும். மிதமான சூட்டில் வைத்து கை விடாது கலந்து விடவும்.

ஓரளவு கெட்டியானதும் சர்க்கரை சேர்த்து இரண்டு நிமிடங்கள் கலந்து விடவும்.

பின்னர் தேங்காய் துருவல் சேர்த்து கலந்து இரண்டு நிமிடங்கள் வேக வைக்கவும்.

கடைசியாக ஏலக்காயை பொடித்து போட்டு கலந்து இறக்கினால் சுவையான உளுந்து கஞ்சி தயார்.

இந்த உளுந்து கஞ்சி மிகவும் சத்துக்கள் நிறைந்தது. மிகவும் சுவையாக இருக்கும். தயாரான கஞ்சியை எடுத்து ஒரு பௌலில் சேர்த்து, ஓரளவு சூடு ஆறியவுடன் சுவைக்கவும்.