முதலில் கொண்டைக்கடலையை 8 மணி நேரம் நன்றாக ஊற வைத்து குக்கரில் கடலையுடன் உப்பு சேர்த்து மசியும் அளவிற்கு வேக வைத்துக் கொள்ளவும்..

கடாயில் 3 டேபிள்ஸ்பூன் தேங்காய் எண்ணெய் விட்டு அதில் பட்டை கிராம்பு ஏலக்காய் சோம்பு சேர்த்து வறுத்து அதனுடன் வெங்காயத்தையும் இஞ்சி பூண்டுயும் சேர்த்து வதக்கவும்..

வெங்காயம் வதங்கியதும் அதனுடன் தக்காளியையும் சேர்த்து மசியும் அளவிற்கு வதக்கியதும் அதனுடன் மிளகாய் தூள் மஞ்சள் தூள் மல்லி தூள் சேர்த்து வதக்கவும் அதனுடன் தேங்காய் துருவலையும் சேர்த்து நன்றாக வதக்கவும்...

எல்லாம் பச்சை வாசனை போக நன்றாக வதங்கியதும் அதை மிக்ஸியில் சேர்த்து மையாக அரைத்துக் கொள்ளவும்.. அதே மிக்சி ஜாரில் சிறிதளவு கொண்டை கடலையும் சேர்த்து கொரகொரப்பாக அரைத்துக்கொள்ளவும்...

கடாயில் 3 டேபிள்ஸ்பூன் தேங்காய் எண்ணெய் விட்டு அதில் கடுகு தாளிக்கவும்... அதனுடன் வெங்காயம் பச்சை மிளகாய் கறிவேப்பிலை சேர்த்து வதக்கவும் வெங்காயம் வதங்கியதும் அதனுடன் அரைத்த விழுதையும் சேர்த்து வதக்கவும்..

அதில் தேவையான அளவு உப்பு சேர்த்தால் போதும் ஏற்கனவே நாம் கொண்டைக்கடலையை வேக வைக்கும்போது அதில் உப்பு சேர்த்துள்ளோம்.. கொண்டைக் கடலையுடன் சேர்த்து தண்ணீரையும் மசாலாவில் விட்டு அரைத்த கடலை சேர்த்து கொதிக்க விடவும்...

எல்லாம் நன்றாக கொதித்து எண்ணெய் பிரிந்து வரும்போது இறுதியாக கொத்தமல்லி தழை தூவி இறக்கவும்...

இது புட்டு, ஆப்பம், இடியாப்பம் இதனுடன் சேர்த்து சாப்பிட அருமையாக இருக்கும்... இப்போது சூடான சுவையான கேரளா கடலை கறி தயார்..