தேவையான பொருட்களை எடுத்து வைத்துக் கொள்ளவும்.வெங்காயம், தக்காளியை பொடியாக நறுக்கவும்.பூண்டை இடித்துக் கொள்ளவும். ப.மிளகாயை கீனிக் கொள்ளவும்.

அடுப்பை மிதமான தீயில் வைத்து குக்கரில், து.பருப்பு, ம.தூள், உப்பு, தேவையான தண்ணீர் சேர்த்து, குக்கரை மூடி 1விசில் விட்டு, பருப்பை, 3/4 பாகம் வேகவிடவும்.

ஸ்டீம் போனதும், குக்கரில், கீரை, சர்க்கரை, வெங்காயம், தக்காளி, ப.மிளகாய், உப்பு, ம.தூள், சாம்பார் பொடி, கறிவேப்பிலை சேர்த்து, மூடாமல், நேரிடையாக, குழைய வேக வைத்துக் கொள்ளவும்.

அடுப்பை சிறு தீயில் வைத்து கடாயில், தே.எண்ணெய் விட்டு காய்ந்ததும்,சி.மிளகாய், கடுகு,சீரகம், தாளித்ததும், இடித்த பூண்டை போட்டு நன்கு வதக்கியதும், வெங்காயத்தை போடவும்.

வெங்காயம், கருகாமல் நன்கு வதங்கியதும், அடுப்பை நிறுத்தி விட்டு தாளித்ததை கீரையில் சேர்த்து இறக்கவும்.

குறிப்பு:- இந்த மசியலை சூடான சாதத்தில் நெய் விட்டு சாப்பிடலாம். சைட் டிஷ்ஷாகவும் பயன்படுத்தலாம். தே.எண்ணெய் சேர்ப்பதாலும், பூண்டை இடிப்பதாலும், கூடுதல் சுவை கிடைக்கும். சர்க்கரை சேர்ப்பதால், கீரையின் பசுமை நிறம் மாறாது.