தேவையான பொருட்களை எடுத்து வைத்துக் கொள்ளவும்.தேங்காயை துண்டுகளாக்கவும். தக்காளியை பொடியாக நறுக்கவும்.

மிக்ஸி ஜாரில், தேங்காய், சீரகம், ப. மிளகாய்,கறிவேப்பிலை சேர்த்து சிறிது தண்ணீர் சேர்த்து நன்கு மைய அரைக்கவும்.

அடுப்பை மிதமான தீயில் வைத்து, குக்கரில், பாவக்காய், பாசிப்பருப்பு, தக்காளி, ம.தூள், சாம்பார் பொடி, சர்க்கரை, உப்பு, சேர்க்கவும்.

பிறகு ப.மிளகாய், தேவையான தண்ணீர் சேர்த்து, குக்கரை மூடி குழையாமல் வேக விடவும்.

வெந்ததும், குக்கரை திறந்து, அரைத்த விழுதை சேர்த்து, மூடாமல், 5 நிமிடம் ஒன்று சேர கொதிக்க விட்டு அடுப்பை நிறுத்தி விடவும்.

அடுப்பை சிறு தீயில் வைத்து கடாயில், தே.எண்ணெய் காய்ந்ததும், கடுகு, உளுத்தம்பருப்பு,சீரகம், பெருங்காயத்தூள், மிளகாய், கறிவேப்பிலை தாளிக்கவும்.

தாளித்ததை கொட்டி, மேலே 1 ஸ்பூன், தே.எண்ணெய் விட்டு, இறக்கவும். பின் நன்கு கிளறி பௌலுக்கு மாற்றவும்.

குறிப்பு:- இந்த கூட்டில் தே.எண்ணெய் சேர்ப்பதால் கூடுதல் சுவை கிடைக்கும்.சர்க்கரை சேர்ப்பதால், பாவக்காயின் பச்சை நிறம் மாறாது. கசப்பும் தெரியாது.