கதம்ப குழம்பு வைக்க தேவையான காய்கறிகளை எடுத்து,நறுக்கி வைத்துக் கொள்ளவும்.

ஒரு பாத்திரத்தை ஸ்டவ்வில் வைத்து சூடானதும் எண்ணெய் ஊற்றி காய்ந்ததும் கடுகு, உளுந்து பருப்பு, கடலை பருப்பு சேர்த்து வதக்கவும்.பொரிந்ததும் கறிவேப்பிலை, நறுக்கி வைத்துள்ள வெங்காயம் சேர்த்து வதக்கவும்.

பின்னர் மொச்சை கொட்டைகளை சேர்த்து வதக்கவும்.

அதன் பின் உருளை கிழங்கு,தக்காளி, மற்ற காய்களை சேர்த்து நன்கு வதக்கவும்.

இரண்டு நிமிடங்கள் வதங்கியதும் மஞ்சள் தூள்,சாம்பார் தூள், மிளகாய் தூள் சேர்த்து கலந்து விடவும்.

அதன் பின் புளிக்கரைசலை சேர்த்து,தேவையான அளவு உப்பு சேர்த்து மூடி வைத்து ஐந்து நிமிடங்கள் வேக வைக்கவும்.

ஒரு மிக்ஸி ஜாரில் தேங்காய்,சாம்பார் வெங்காயம்,சீரகம்,கொஞ்சம் தண்ணீர் சேர்த்து நன்கு அரைத்து தேங்காய் பால் எடுத்து தயாராக வைக்கவும்.

இரண்டாம் பாலை எடுத்து, வேகும் காய்களில் சேர்த்து இரண்டு நிமிடங்கள் வேக வைக்கவும்.

கடைசியாக முதல் பாலை சேர்த்து கலந்து,ஒரு நிமிடம் விட்டு, நறுக்கிய மல்லி இலை தூவி இறக்கினால் சுவையான, சத்தான கதம்ப குழம்பு தயார்.

இதில் நீங்கள் விருப்பப்பட்ட காய்களை சேர்த்து சமைக்கலாம். மிகவும் சுவையாக இருக்கும்.